Ռ.Քոչարյանը “Կիլիկիա”-ի անձնակազմին մաղթել է բարեհաջող նավարկություն

Նախագահ Ռոբերտ Քոչարյանն այսօր ընդունել է “Կիլիկիա” առագաստանավի անձնակազմի անդամներին, ովքեր մայիսի 14-ին մեկնելու են Լոնդոն` նավարկության վերջին փուլին նախապատրաստելու Հարավային Անգլիայի ափերին կառանած “Կիլիկիա”-ն:

Ռոբերտ Քոչարյանը ծովագնացներին մաղթել է բարեհաջող նավարկություն եւ տունդարձ` ասելով, որ նրանցից ակնկալում է մեծ զգուշավորություն եւ կամք:

Անձնակազմի անդամները երկրի ղեկավարին վստահեցրել են, որ նախորդ նավարկություններում ձեռք բերած փորձը կբավարարի բարեհաջող ընթացք ապահովելուն: Ռոբերտ Քոչարյանը կիլիկիացիներին տեղեկացրել է, որ Սեւանա լճում նավակառանատեղի կառուցելու շուրջ արդեն բանակցություններ են վարվում արտերկրյա մասնագիտացված ընկերությունների հետ եւ որ կառանատեղիում հանգրվան կունենա նաեւ “Կիլիկիան”:

Անձնակազմի անդամները նախագահի հետ զրուցել են նաեւ առագաստանավային սպորտի զարգացման հեռանկարների մասին եւ նախագահից ստացել աջակցության խոստում:

www.armradio.am

Leave a Reply

Your email address will not be published. Required fields are marked *