16.11.2006. Նախագահ Ռոբերտ Քոչարյանի ելույթը Բերտելսման հիմնադրամում
22.11.2002. Նախագահ Ռոբերտ Քոչարյանի ելույթը Եվրատլանտյան խորհրդի
09 Հուն 2011  
09.06.2011  |  13:23   |   Հարցազրույցները

04.06.2001. ՀԱՐՑԱԶՐՈՒՅՑ "ՄԵԴԻԱՄԱՔՍ" ԳՈՐԾԱԿԱԼՈՒԹՅԱՆԸ

ՀԱՐ Ց- Պարոն Նախագահ, օրերս տեղի կունենա Ձեր պաշտոնական այցը Բելգիա եւ եվրոպական կառույցներ: Ինչ տեղ է գրավում եվրոպական ուղղությունը Հայաստանի արտաքին քաղաքականության մեջ եւ ինչ եք ակնկալում Եվրոպայի հետ համագործակցությունից:

ՊԱՏԱՍԽԱՆ - Մենք մեծ նշանակություն ենք տալիս ինչպես եվրոպական երկրների հետ երկկողմ հարաբերությունների զարգացմանն, այնպես էլ համաեվրոպական կառույցների հետ համագործակցությանը: Եվրոպական ուղղության համատեքստում ես կառանձնացնեի երկու կարեւորագույն դրույթ, որոնցով առաջնորդվում է Հայաստանն իր արտաքին քաղաքականության մեջ: Առաջինը` գիտակցել եվրոպական գործընթացներին ինտեգրվելու անշրջելիությունը եւ երկրորդ` Հայաստանն ընկալել որպես Եվրոպայի մաս, փնտրել նրա տեղն ու դերը եվրոպական ճարտարապետության մեջ: 
Մենք գործուն քայլեր ենք ձեռնարկում մերձենալու եվրոպական ինստիտուտներին եւ դա Հայաստանի համար բնական գործընթաց է: Մեր երկիրը միշտ էլ իրեն զուգորդել է Եվրոպայի հետ, զգացել նրա մի մասը: Մեր միջեւ գոյություն ունեն դարավոր պատմական եւ մշակութային կապեր, մեր սկզբունքներն ու նպատակները, ժողովրդավարության զարգացման եւ ամրապնդման վերաբերյալ մոտեցումները համահունչ են:

Եվրոպան պարզորոշ ցույց տվեց, որ բարգավաճումն ու անվտանգությունն ամուր կապված են կառավարման ժողովրդավարական համակարգի եւ մարդու իրավունքների անվերապահ պահպանման հետ: Մենք մեր պետությունը կառուցում ենք հիմնվելով հենց այդ սկզբունքների վրա եւ եվրոպական կառույցների հետ սերտ համագործակցությունը կարեւոր նշանակություն ունի այդ նպատակներին հասնելու համար: Եվրամիության հետ ործընկերության եւ համագործակցության մասին համաձայնագիրը, որը գործում է 1999թ. հուլիսից, մեր հարաբերությունները բարձրացրեց որակական նոր մակարդակի: Այդ համաձայնագրի շրջանակում մենք սկսեցինք մեր իրավական նորմերն ու պրակտիկան եվրոպական չափանիշներին ներդաշնակեցնելու ծրագիր: Եվրոպական ինստիտուտների աջակցությամբ Հայաստանը հետեւողականորեն շարունակում է տնտեսության ազատականացման եւ պետական կառավարման բարեփոխումների քաղաքականությունը:

Այդ ուղղությամբ մեր հաջողությունների արդյունքն այս տարվա հունվարին Հայաստանի անդամակցությունն էր Եվրոպայի Խորհրդին: Այն հանգրվանային իրադարձություն է, որը նոր լիցք հաղորդեց Եվրոպայի հետ մեր հարաբերություններին եւ կնպաստի Հայաստանի հետագա ինտեգրացմանը եվրոպական կառույցներին:

ՀԱՐՑ - Պարոն Նախագահ, Եվրամիության հետ համագործակցության ո±ր ուղղություններն են այսօր առաջնային Հայաստանի համար: Նախապատվությունը տրվում է քաղաքական, թե տնտեսական ծրագրերին:

ՊԱՏԱՍԽԱՆ - Քաղաքական ոլորտում մեր հարաբերությունները զարգանում են բավական վաղուց, եւ ես գոհ եմ այդ գործընթացի դինամիկայից ու արդյունավետությունից: Բացի այդ, մեզ կապում են լուրջ տնտեսական շահեր:Մեր առեւտրաշրջանառության մոտ քառասուն տոկոսը Եվրամիության երկրների հետ է: Հայաստանից արտահանումն այդ երկրներ կազմում է շուրջ 107 մլն ԱՄՆ դոլար: Սրանք ծանրակշիռ թվեր են, եւ մենք շահագրգռված ենք դրանց ավելացմամբ: Զարգանում է նաեւ եվրոպական երկրների հետ երկկողմ տնտեսական համագործակցությունը, մասնավորապես Բելգիայի, Ֆրանսիայի, Մեծ Բրիտանիայի, երմանիայի, Իտալիայի եւ Հունաստանմի հետ: Բելգիան առաջին տեղն է գրավում Հայաստանում մշակվող ադամանդի արտահանմամբ: Հայաստանում ամբողջությամբ կամ մասամբ գործում են եվրոպական կապիտալի վրա հիմնված շուրջ 150 ձեռնարկություններ: Մեր գործարարներն ավելի ու ավելի հաճախ գործընկերներ են գտնում եվրոպական տարբեր երկրներում, իսկ պետությունն ակտիվորեն նպաստում է Հայաստանի տնտեսության մեջ եվրոպական կապիտալի ներգրավմանը: Ինչ վերաբերում է խոշոր ծրագրերին, այդ ուղղությամբ եւս կա որոշակի աշխատանք: Մեր հարաբերություններում կարեւոր տեղ են գրավում նաեւ Հայաստանի էներգետիկ անվտանգությանն առնչվող հիմնախնդիրները:

Ինչ վերաբերում է առաջնություններին, ներկա փուլում դեռեւս առկա է տնտեսական համագործակցության չօգտագործված բավականին մեծ պոտենցիալ եւ մենք աշխատում ենք, որ այդ ոլորտը զարգանա ավելի ակտիվ:

Միեւնույն ժամանակ, ուզում եմ նշել, որ քաղաքական գործընթացները եւ տնտեսական համագործակցությունը սերտորեն կապված են միմյանց հետ, եւ ես դրանք միմյանցից չեմ սահմանազատի: Մենք բավարար առաջընթաց ենք գրանցել ժողովրդավարական ինստիտուտների հիմնման գործում: Քաղաքական միջավայրը Հայաստանում դառնում է ավելի հուսալի եւ կանխատեսելի, ինչը կարեւոր նշանակություն ունի մեր գործընկերների ու ներդրողների համար: Մենք ձգտում ենք ստեղծել հստակ, միջազգային չափանիշներին համապատասխանող եւ գործարարների համար ընդունելի խաղի կանոններ, ինչպես նաեւ ապահովել դրանց իրագործումը: 

Ժամանակակից Եվրոպան մեզ ներկայանում է բազմաշերտ քաղաքական մի կառույց, որի միջոցով իրականանում է անվտանգության խնդիրների լուծման, ժողովրդավարության կառուցման, մարդու իրավունքների, օրենքի գերակայության, ավելի զարգացած տնտեսական համակարգերի անցման հավաքական ձգտումը: Անդամակցելով Եվրոպայի Խորհրդին, Հայաստանը հայտարարեց այդ գործընթացների ակտիվ մասնակիցը լինելու իր ձգտումը: Իմ կարծիքով, մենք հաջողության կարող ենք հասնել միայն այն դեպքում, եթե ներդաշնակորեն զարգացնենք այդ ուղղություններից յուրաքանչյուրը:

ՀԱՐՑ - Շվեդիայի արտաքին գործերի նախարար տիկին Աննա Լինդը վերջերս տարածաշրջան կատարած այցի ընթացքում Ադրբեջանի նախագահ Հեյդար Ալիեւի հետ հանդիպման ժամանակ հայտարարել է Հայաստանի հետ տնտեսական համագործակցություն սկսելու անհրաժեշտության մասին: Կարելի է դա գնահատել որպես Ձեր դիրքորոշման պաշտպանություն: Արդյոք Դուք մտադիր եք Եվրամիության ղեկավարության հետ քննարկել Հայաստանի եւ Ադրբեջանի միջեւ տնտեսական կապերի հաստատմանը ԵՄ հնարավոր աջակցության հարցը:

ՊԱՏԱՍԽԱՆ - Հայաստանն այդ հարցի վերաբերյալ իր դիրքորոշումն արտահայտել է բազմիցս: Մենք կարծում ենք, որ տնտեսական կապերի հաստատումը կարող է դառնալ Հարավային Կովկասում քաղաքական խնդիրների, այդ թվում նաեւ ղարաբաղյան հակամարտության կարգավորմանը, նպաստող լուրջ գործոն: Տնտեսական փոխշահավետ համագործակցությունը բարենպաստ հող կստեղծի կողմերի միջեւ փոխվստահության մթնոլորտի ձեւավորման համար:

Հայաստանը վճռականորեն պաշտպանում է տարածաշրջանային համագործակցությունը եւ ինտեգրացիոն գործընթացները Հարավային Կովկասում:Տարածաշրջանի երկրների ընդհանուր տնտեսական հետաքրքրություններն ակնհայտ են: Տարածաշրջանի մեր հարեւանները, թեեւ տարբեր չափով, այնուամենայհնիվ հետապնդում են տնտեսության ազատականացման եւ քաղաքական բարեփոխումների նույն նպատակները:Տարածաշրջանը հեռանկարային հնարավորություններ է առաջարկում աշխարհի գործարար համայնքին: Մենք հասկանում ենք, որ Հայաստանը, ինչպես նաեւ հարավկովկասյան տարածաշրջանի մեր հարեւանները, պոտենցիալ ներդրողի համար ավելի գրավիչ կլինեն տարածաշրջանային հնարավորությունների համատեքստում: Մեր դիրքորոշման հետ համամիտ են հարավկովկասյան պետությունների հետ համագործակցությամբ շահագրգռված շատ երկրներ: Ցավոք, այդ գաղափարը դեռեւս աջակցություն չի գտնում Ադրբեջանի ղեկավարության մոտ, եւ նրանք շարունակում են տնտեսական կապերը կախման մեջ դնել բանակցային գործընթացի արդյունքից:

Մենք շարունակում ենք մեր ավանդը ներդնել` առաջ մղելու տարածաշրջանային համագործակցության գաղափարը եւ վստահ ենք, որ այդ գաղափարի պաշտպանությունն ամուր հիմք կստեղծի տարածաշրջանում խաղաղության ու կայունության համար:

ՀԱՐՑ - Ձեր կարծիքով, ինչով է պայմանավորված Եվրամիության աճող հետաքրքրությունը Հարավային Կովկասի երկրների նկատմամբ, ինչը վերջին ժամանակներս ակնհայտ է: Այս տարվա փետրվարին Եվրամիության Նախարարների խորհուրդը հանդես եկավ հայտարարությամբ, որտեղ խոսվում էր տարածաշրջանում Եվրամիության դերի մեծացման անհրաժեշտության մասին:

ՊԱՏԱՍԽԱՆ - Դեպի Արեւելք եվրոպական կառույցների ընդարձակմանը զուգընթաց Եվրամիության եւ Սեւ ծովի տարածաշրջանի երկրների փոխհարաբերությունները ձեռք են բերում առանձնահատուկ կարեւորություն: Այդ տարածաշրջանի կայունությունն ու խաղաղությունը դառնում է ավելի ու ավելի կարեւոր գործոն ողջ Եվրոպայի անվտանգգության համար:

Այն փաստը, որ Հարավային Կովկասի բոլոր երեք երկրները Եվրոպայի Խորհրդի անդամ են, վկայում է եվրոպական ինստիտուտներին մերձենալու նրանց օբյեկտիվ հետաքրքրության մասին: Այստեղ, կարծում եմ, մերձենալու երկուստեք ձգտումն ակնհայտ է, ինչի արդյունքն է Ձեր նշած հայտարարությունը:

ՀԱՐՑ - Պարոն Նախագահ, Դուք հանդես եք եկել Եվրամիության մասնակցությամբ տարածաշրջանային անվտանգության համակարգ ձեւավորելու օգտին: Մտադիր եք նման համակարգի ստեղծման հեռանկարը քննարկել Եվրամիության ղեկավարության հետ:

ՊԱՏԱՍԽԱՆ - Հայաստանը ողջունում է բոլոր ուղղություններով Եվրամիության եւ հարավկովկասյան տարածաշրջանի երկրների միջեւ ավելի ակտիվ համագործակցությունը: Մեր կարծիքով, եվրոպական ինստիտուտների ներկա զարգացումները նշանակալի ու խոստումնալից հնարավորություններ են բացում ինչպես Հայաստանի, այնպես էլ Վրաստանի ու Ադրբեջանի համար: 

Հայաստանի արտաքին քաղաքականությունը հիմնված է կոմպլեմենտարիզմի սկզբունքի վրա: տնվելով բավականին բարդ տարածաշրջանում, ուր պատմականորեն բախվում են տարբեր պետությունների շահեր, մենք ձգտում ենք հավասար, փոխընդունելի հարաբերություններ կառուցել տարածաշրջանի երկրների եւ բոլոր շահագրգիռ կողմերի հետ: Հայաստանը փորձում է ոչ թե խաղալ տարածաշրջանում տարբեր երկրների հակասությունների վրա, այլ` փնտրում է այդ հակասությունները մեղմելու, ընդհանուր շահեր եւ առկա խնդիրներին փոխզիջումային լուծումներ գտնելու հնարավորություններ: 

Կոնկրետ տարածաշրջանային անվտանգության համակարգի հետ կապված քննարկում իմ ներկա այցի շրջանակում չի նախատեսվում: Սակայն, քաղաքական եւ տնտեսական այլ հարցերի համատեքստում մենք կխոսենք տարածաշրջանային անվտանգության խնդիրների մասին, կանդրադառնանք այն դերին, որ եվրոպական հանրությունը կարող է խաղալ տարածաշրջանում կայունության ու տեւական խաղաղության հաստատման գործում:

Լուսանկարներ
|
ՆաԵՎ կարող է հետաքրքրել
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
25.07.2018
Սա Մարտի 1-ը բացահայտե՞լու փորձ է, թե՞ հաշիվ մաքրելու. Սողոմոնյան

ՀՀ երկրորդ նախագահ Ռոբերտ Քոչարյանն այսօր կվերադառնա Հայաստան։ Նա սովորաբար ամեն տարի հուլիսի սկզբին մեկնում է Հայաստանից եւ վերադառնում ամսվա վերջին։ Վերադառնալու հաջորդ օրը՝ հուլիսի 26-ին, Հատուկ քննչական ծառայությունը Քոչարյանին հրավիրել է հարցաքննության Մարտի 1-ի գործով։ ՀՔԾ-ն մինչ այդ ծանուցագիր էր ուղարկել Քոչարյանին՝ նրան հրավիրելով հարցաքննության, բայց քանի որ ՀՀ երկրորդ նախագահը գտնվում էր արտերկրում, ՀՔԾ-ն համաձայնեց սպասել, մինչեւ նա վերադառնա։ Բայց մի փոքր, «խիստ տեխնիկական» հարց կա, որը մինչեւ հիմա նրա գրասենյակը չի կարգավորել՝ որտե՞ղ է տեղի ունենալու Քոչարյանի հարցաքննությունը՝ Հատուկ քննչական ծառայությունո՞ւմ, թե՞ իր նախընտրած վայրում։ Սա նրա գրասենյակի ղեկավար Վիկտոր Սողոմոնյանը երեկ մեզ հետ զրույցում համարեց տեխնիկական հարց, որով զբաղվում են համապատասխան պատասխանատու անձինք։ Բայց, դատելով նրա հայտարարություններից, այս տեխնիկական հարցն իր մեջ որոշակի ամբիցիաներ է պարունակում՝ պայմանավորված Քոչարյանի ստատուսով։ Կարճ ասած՝ Քոչարյանն ուզում է, որ ՀՔԾ-ն գա իր մոտ, ոչ թե ինքը գնա ՀՔԾ, թեպետ ՀՔԾ պետն արդեն հասկացրել է, թե որ դեպքերում են հարցաքննությունը կազմակերպում անձի նախընտրած վայրում, եւ այդ դեպքերի մեջ Քոչարյանի պարագան կարծես թե չի մտնում։

 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
22.04.2014
ՀԱՐՑԱԶՐՈՒՅՑԻ ՇԱՐՈՒՆԱԿՈՒԹՅՈՒՆ

Հարգելի այցելուներ,
Ձեր ուշադրությանն ենք ներկայացնում ՀՀ երկրորդ նախագահ Ռոբերտ Քոչարյանի՝ մեր կայքին տված հարցազրույցի շարունակությունը: Մենք խնդրել էինք նախագահ Քոչարյանին անդրադառնալ վերջին շրջանում ամենաքննարկվող թեմաներից մեկին՝ Սահմանադրության բարեփոխումներին, ինչպես նաև մի քանի այլ արդիական հարցերի: Տեղեկացնենք նաև, որ մենք հարցերի մի նոր խմբաքանակ ենք ներկայացրել երկրորդ նախագահի գրասենյակ: Հարցերն առնչվում են մի շարք օրակարգային խնդիրների. այսպես կոչված կարմիր գծերին, երթևեկության խախտումներն արձանագրող տեսախցիկներին ու տուգանքների անհամաչափությանը, Որոտանի ՀԷԿ-ի կասկածելի վաճառքին և այլն: Հուսով ենք, որ մոտ ապագայում հնարավորություն կունենանք տեղեկանալ Ռոբերտ Քոչարյանի տեսակետներին նաև այս հարցերի վերաբերյալ և մի նոր հարցազրույց կներկայացնենք մեր ընթերցողներին:  

 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
www.2rd.am և www.2nd.am կայքերի այցելուների կողմից մեզ ուղարկվող բոլոր նյութերը անկախ ձևից, քանակից և ծավալից ամբողջապես կամ հատվածաբար տեղադրվում են էջում միայն կայքի քաղաքականությանը համապատասխանելու դեպքում: