28.08.2002. Առանց համայնքների համաչափ եվ բազմակողմանի զարգացման, է
06.09.2006. "Մխիթար Գոշ"-ի մեդալ` Ջոն Էվանսին
27 Օգո 2011  
27.08.2011  |  13:55   |   Ելույթներ և ուղերձներ

21.09.2001. Հայաստանի Հանրապետության նախագահ Ռոբերտ Քոչարյանի ելույթը ՀՀ Անկախության հռչակման 10րդ տարեդարձի առթիվ

Հարգելի հայրենակիցներ,
Վեհափառ Տեր,
Հոգեւոր հայրեր,
Հարգարժան հյուրեր,

Շնորհավորում եմ ձեզ Անկախության տոնի առթիվ:

Տասը տարի առաջ` 1991 թվականի սեպտեմբերի 21-ի համաժողովրդական հանրաքվեով Հայաստանի ժողովուրդը բացեց իր պատմության նոր էջը: Կատարելով ազատության, անկախության ու ժողովրդավարության իր ընտրությունը` նա լծվեց Հայոց պետականության վերակերտման դժվարին ու սրբազան գործին:

Արդյո±ք, 10 տարին մեծ ժամանակահատված է մի երկրի համար, որի մայրաքաղաքի տարիքը մոտենում է 2800-ին, որը նշում է քրիստոնեությունը պետականորեն ընդունելու 1700-ամյակը եւ որի Նախագահը երդվում է 7րդ դարի ձեռագիր Աստվածաշնչի վրա: Թվում է, թե անցել է ընդամենը 10 տարի, բայց նաեւ` ամբողջ 10 տարի:

Մեր երկրում ու տարածաշրջանում վերջին տասնամյակը նշանավորվեց իրադարձությունների բուռն զարգացմամբ: Անցած տասնամյակը, կարծես, մեր պատմության մանրակերտն էր, որի մեջ խտացված կերպով արտացոլվեցին այդ պատմության գրեթե բոլոր դրվագները: Մեր սերունդը տեսավ պատերազմ, սով, գաղթականություն, շրջափակում, երկրաշարժի ու ռմբակոծությունների ավերակներ, քայքայված տնտեսություն եւ այլն, բայց վճռական ու անսասան մնաց իր ընտրության մեջ£ Ճակատագրական պահերին դրսեւորեց նախանձելի միասնություն, տվեց հերոսների եւ սխրանքների բացառիկ օրինակներ, կերտեց պատմական հաղթանակներ£ Մենք պետականորեն վերադարձանք միջազգային ասպարեզ` գրավելու մեր արժանի տեղը ազգերի ընտանիքում:

Անցած տասնամյակում մենք վկան եղանք այնպիսի դարակազմիկ գործընթացների, որ այսօր իրավամբ կարող ենք խոսել նոր դարաշրջան մուտք գործելու մասին£ Խոսքը աշխարհաքաղաքական նոր իրողությունների, արժեքային նոր համակարգի մասին է£ Ժամանակակից աշխարհն ապրում է որակապես նոր հարաբերություններում, ինչը մեզանից պահանջում է ազգային ու հասարակական գիտակցության նոր աստիճան եւ պատասխանատվության նոր չափանիշներ£

1700 տարի առաջ Հայոց Մեծ Դարձը եղավ հոգեւորմշակութային հզոր ազդակ, որի արդյունքում ստեղծվեցին ՙոսկեդարյան՚ գիր ու գրականություն, ճարտարապետության, փիլիսոփայության, պատմագրության հավերժական կոթողներ: Հայ Եկեղեցին ունեցել է եւ ունի առանձնահատուկ դերակատարություն մեր ժողովրդի կյանքում£ Նա աշխարհի հնագույն կազմակերպություններից մեկն է, որ անընդմեջ գործում է արդեն 17 դար£ Հայ Առաքելական Սուրբ Եկեղեցին միշտ եղել է իր ժողովրդի եւ պետության կողքին, իսկ պետականության բացակայության պայմաններումª նաեւ, ինչ-որ տեղ, փոխարինել նրան£

Պետականության վերականգնումը մեր ժողովրդի գերագույն նպատակն էր, որ դարեր շարունակ իր խոր կնիքն է դրել հայ հասարակականքաղաքակական մտքի եւ մշակույթի գրեթե բոլոր դրսեւորումների վրա£ 

Մենք չափազանց թանկ գին ենք վճարել անկախության համար£ Վերջին երկուերեք հարյուրամյակների ընթացքում չի եղել հայ ժողովրդի որեւէ սերունդ, որ իր լավագույն որդիների կյանքը, գործը, միտքը եւ նյութական միջոցները դրած չլինի ազգային պետության կազմավորման զոհասեղանին:
 
Հայոց պետականությունը առաջին հերթին հայ ժողովրդի ինքնադրսեւորման գրավականն էª նրա մտքի, ոգու, ձեռներեցության բացահայտման ու արտահայտման միջոցը£ Մեր ճակատագիրը մենք պետք է տնօրինենք£ Մեր պատկերացումները խոսքի ազատության, մարդու իրավունքների, ազատական տնտեսության եւ իրավական պետության վերաբերյալ համապատասխանում են զարգացած ու բարեկեցիկ երկրների պատկերացումներին եւ միջազգայնորեն ընդունված չափանիշներին£ Մեր երկրի լիիրավ անդամակցությունը Եվրոպայի Խորհրդին բխում է Հայաստանի ժողովրդի շահերից£

Ազգային եւ համամարդկային արժեքները մեզանում ներդաշնակորեն փոխլրացնում են միմյանց£ Եվ նախապատրաստվող սահմանադրական բարեփոխումները, որ արդյունք են քաղաքական եւ մասնագիտական ծավալուն աշխատանքի, նույնպես բխում են արդի պահանջներից£

Այս հիմքերի վրա է, որ բարձրանում է մեր պետական կառույցը£ ուցե բարձրանում է ո°չ այնքան արագ, որքան մենք կցանկանայինք, բայց, հավաստիացնում եմ ձեզ, որ արվող քայլերը հիմնավոր են եւ ունեն ծրագրային, ռազմավարական նշանակություն£ 

Տնտեսական դժվարություններն ու աղքատությունը, որոնց դիմագրավում է այսօր Հայաստանը, կարող են խարխլել հավատը անկախության եւ պետականության հանդեպ£ Հայաստանը տասնամյակներ շարունակ մաս էր կազմում խորհրդային պլանային տնտեսության, որն այսօր գոյություն չունի£ Բնական է, որ նախկինի փլուզման եւ նոր տնտեսություն ստեղծելու անցման շրջանում ժողովրդի բարեկեցությունը պետք է անկում ապրեր£ Արտադրության անկում պետք է լիներ, բայց, համոզված եմª ոչ այն ծավալներով, որ ունեցանք£ Սուբյեկտիվիզմ, ոչկոմպետենտություն, անփորձություն եւ վերջապես տնտեսական ռոմանտիզմ. ահա սրանք են տնտեսության ոչ համարժեք անկման պատճառները£ Այս ամենը չէր կարող չազդել մեր բնակչության տրամադրությունների վրա£ Ազգի ամուր ոգին պետք է ձեւավորվի ոչ միայն թշնամու դեմ պայքարում, այլեւ ընտանեկան օջախի երջանկությամբ, աճող սերնդի լիարժեք կյանքի ուրախությամբ£ Այս գործոնները պակաս կարևոր չեն անկախ պետականության նկատմամբ հավատն ամրապնդելու գործում£ 

Մենք փնտրում ենք տնտեսական հրատապ հիմնախնդիրների ավելի արդյունավետ լուծումներ£ Ժամանակին շատ բան արվում էր առաջին անգամ£ Անցան անփորձության եւ սխալների վրա սովորելու ժամանակները£ Այժմ անհրաժեշտ են սթափ եւ հաշվարկված մոտեցումներ£ Ակնհայտ է, որ Հայաստանի տնտեսությունը կարող է զարգանալ միայն բաց լինելով£ Մենք պետք է խրախուսենք արտաքին եւ ներքին ներդրումները, եթե ցանկանում ենք բարելավել ժողովրդի կենսապայմանները£ Եթե մենք մտադիր ենք բազմապատկել մեր ազգային հարստությունը, ապա, սթափ •նահատելով մեր նյութական եւ հումքային ռեսուրսները, պետք է ապահովենք արտաքին կապիտալի ներհոսք եւ ստեղծենք բարենպաստ պայմաններ£
Մեր հասարակության մեջ կայունության հիմքը պետք է դառնան տնտեսության մասնավոր հատվածը եւ կայացած միջին դասը£ Այսինքնª անհրաժեշտ է միջին եւ փոքր բիզնեսի նպատակամղված զարգացում£ Մասնավոր տնտեսական շահերի կուտակումը, դրանց ազդեցությունը քաղաքական ուժերի մեջ կձեւավորի պատասխանատվություն, ինչն իր հերթին կհանգեցնի հասարակական տեւական կայունության£ Սա ագրեսիվ հեղափոխականության չեզոքացման ամենաճիշտ ուղին է:

Այս խնդիրների լուծման համար անհրաժեշտ են կառավարման արդյունավետ գործող կառույցներ, պետական ծառայության համակարգ: 
Մենք շարունակելու ենք քաղաքացիների եւ պետական ծառայությունների շփման ընթացակարգերը պարզեցնելու աշխատանքը: Հետզհետե զգալիորեն թեթեւանում է քաղաքացիների, ձեռնարկությունների, կազմակերպությունների կողմից տարատեսակ թույլատրություններ, արտոնագրեր, գրացումներ ձեռք բերելու գործընթացը: 

Պետք է խոստովանել, որ դեռեւս վաղ է խոսել կոռուպցիայի դեմ պայքարում էական հաջողությունների մասին: Կոռուպցիայի դեմ պետք է պայքարել ոչ թե վերահսկող նոր մարմիններ ստեղծելով, ոչ թե բարձրագոչ հայտարարություններով, այլ այդ չարիքը ծնող պատճառները պարզելով եւ վերացնելով, անհրաժեշտ օրենքներն ու օրենսդրական փոփոխություններն ընդունելով, ինչպես նաեւ դրանց խստագույն կիրառմամբ:

Պետական հիմնարկների աշխատանքի արդյունավետության բարձրացման անհրաժեշտությունը շարունակում է մնալ մեր ուշադրության կենտրոնում: Մեզ անհրաժեշտ է լավ կազմակերպված, համակարգված գործող, կուռ եւ փոքրաթիվ պետական մեքենա: 

Օրենքների կիրառման կարգապահության բարձրացման հարցն արժանիորեն հասարակությանը հուզող հարցերից է: Առաջնահերթ է մեզ համար այնպիսի մթնոլորտի, պայմանների, ավանդույթի ստեղծումը, երբ օրենքը չկատարելը ոչ միայն անխուսափելիորեն պատժելի կլինի օրենքով, այլեւ պախարակելի եւ անհանդուրժելի ողջ հասարակության կողմից:

Կարծում եմ, վերը նշված խնդիրների իրականացումը կնպաստի մեր հասարակության մեջ պետական հաստատությունների եւ պետական ծառայողների նկատմամբ հարգանքի ձեւավորմանը:

Աշխատատեղերի հիմնախնդիրը, որ ամենացավոտն է մեր ժողովրդի համար, մենք ի վիճակի ենք լուծելու: Ավելինª համոզված եմ, որ երկրից դուրս եկած մեր քաղաքացիներից շատերը վերադառնալու են` այստեղ գտնելով համապատասխան աշխատանք եւ կենսապայմաններ£ ՄԵզ հաջողվեց վերագործարկել մի շարք արդյունաբերական խոշոռ ձեռնարկություններ, որոնք ընդամենը մի քանի տարի առաջ համարվում էին անհույս£ Այս դրական միտումները շարունակվելու են, եւ շուտով դրական տեղաշարժը զգալի է լինելու մեծաթիվ ընտանիքների համար£ Մենք ունենալու ենք առաջընթաց ապրող վերափոխված տնտեսություն:

Մեր անկախության վերընթաց ուղին սկզբնավորվեց Արցախյան պայքարով: Մեր ժողովրդի գիտակցության մեջ դրանք միահյուսված են£ Հայոց բանակը ծնվեց ուղղակի մարտի դաշտում, որտեղ իրենց կյանքը զոհաբերեցին հազարավոր հայորդիներ: Նրանցից յուրաքանչյուրի հիշատակը եւ նրանց հավաքական սխրանքը ապրելու է դարեր£

Բանակը կայացավ եւ այսօր ունի մարտունակության բարձր աստիճան£ Այս հանգամանքը խաղաղության պահպանման հիմնական •ործոններից է, եւ սրա արժեքը պետք է գիտակցի մեզանից յու րաքանչյուրը: 

Արցախի խնդրում մենք մնացել եւ մնալու ենք հավատարիմ խնդրի խաղաղ կարգավորման մեր սկզբունքներին£ Ինչ վերաբերում է խնդրի կարգավորման ուղիներին, կասեմ միանշանակ. Լեռնային Ղարաբաղի Հանրապետության փաստացի անկախությունը չի եղել եւ չի կարող լինել առեւտրի առարկա£ 

Մեր բարդ տարածաշրջանում տեւական խաղաղության եւ կայունության գրավականը մենք տեսնում ենք տարածաշրջանային համագործակցության մեջ£ Մենք պատրաստ ենք հարաբերություններ զարգացնել տարածաշրջանի բոլոր երկրների հետ: Մենք պատրաստ ենք լուրջ համագործակցությանª հարեւանների հետ երկկողմ հարաբերությունների ողջ ընդգրկումով: Այդուհանդերձ, տարածաշրջանային մեր քաղաքականության հիմքը ավանդական գործընկերների հետª ժամանակի քննությունը բռնած մեր հարաբերություններն են: Այդ հարաբերություններում Ռուսաստանը ունի իր ուրույն տեղը: Կարեւորելով Հայաստանի սերտ գործակցությունը եվրոպական եւ այլ միջազգային կառույցների հետª մեր երկրի ապագան մենք տեսնում ենք Հայաստանիª արդի աշխարհի հետ համաքայլ ընթացքի մեջ£

Աշխարհը արագ է փոփոխվում£ Տեխնոլոգիական հեղափոխությունն աշխարհը դարձրեց ավելի ուժեղ, ավելի արագընթաց, ավելի փոխկապակցված, բայց նաեւª ավելի խոցելի£ Մարդկությունը բախվեց միջազգային ահաբեկչություն կոչված չարիքին£ Սեպտեմբերի 11ի ԱՄՆի իրադարձությունները ցնցեցին աշխարհը իրենց դաժանությամբ£ Մենք սգում ենք Ամերիկայի հետ միասին, համարում ենք, որ չարիքը պետք է պատժվի եւ պատրաստակամ ենք աջակցել մեր համեստ հնարավորություններով£ Ահաբեկչությունը դառնում է գաղափարախոսություն իր ամենաայլանդակ դրսեւորումներով£ Հայաստանն իր վրա է զգացել դրա հետեւանքները£ Մենք համոզված ենք, որ այս չարիքի դեմ պայքարում համաշխարհային հանրությունը կարիք ունի համակարգված հավաքական ջանքերի£

Հարգելի հայրենակիցներ,

Հայաստանի հանրապետությունը համայն հայության հայրենիքն է: Աշխարհով մեկ սփռված հայկական բազմաբնույթ կառույցների առկայությունը մեզ ուղղակի պարտադրում է լինել կազմակերպված ազգ£ Սփյուռքի եւ Հայրենիքի ջանքերի համադրումը Հայաստանի արտաքին քաղաքականության օրակարգային հարցերի լուծման գործում արդեն տվել է իր շոշափելի արդյունքները£ Ջանքերի այդ համատեղման ներուժը նոր է սկսում բացահայտվել£ Համոզված եմª նվաճվելու են նոր հորիզոններª մեր կազմակերպվածության աստիճանի բարձրացմանը զուգընթաց£ Տասը տարի առաջ անհավատալի կարող էր թվալ Հայոց ցեղասպանության միջազգային ճանաչման ներկայիս մակարդակը£ Արդյո±ք, տասը տարի հետո չի լինելու այն, ինչ այսօր անհավատալի է թվում£ Խոսքս վերաբերում է մեր առջեւ ծառացած բոլոր խնդիրներին£ 

ՀայրենիքՍփյուռք մշակութային, կրթական, մարզական, առողջապահական եւ բազմաթիվ այլ շփումները երբեք այնքան աշխույժ չեն եղել, ինչպես այժմ£ Այսօր սփյուռքահայությունը ոչ միայն շարունակում է բարեգործության իր լավագույն ավանդույթները, այլեւ հայրենի իշխանությունների հետ ուսուսի աշխատում է նոր ներդրումներ Հայաստան ներգրավելու ուղղությամբ£ 

Մեր անկախությունը հռչակվեց այնպիսի պայմաններում, երբ Հայաստանի տարածքի մեկ երրորդը վերածված էր ավերակների£ Երկրաշարժի ծանր հետեւանքները, տասնյակ հազարավոր մարդկանց կորստի ցավը եւ հեռանկարի անորոշությունը աղետի գոտում ստեղծել էին ծանրագույն մթնոլորտ£ Ցավոք, մի քանի տարի այս հարցը տրված էր մոռացության£ Այսօր վերանայվել է աղետի գոտու վերականգնման հայեցակարգը£ Ակտիվ աշխատանք է ծավալվել լրացուցիչ ռեսուրսներ ներգրավելու ուղղությամբ£ Սահմանվել է խստագույն վերահսկողություն դրանց արդյունավետ օգտագործման նպատակով£ Մենք մեր երախտագիտությունն ենք հայտնում ԱՄՆ Զարգացման գործակալությանը, "Լինսի" հիմնադրամին, "Հայաստան" Հիմնադրամին բազմաթիվ անձանց եւ կազմակերպություններին զորակցության եւ վերականգնման աշխատանքներին աջակցելու համար£ 
Այսօր կարող ենք նշել, որ աղետի գտում ոչ միայն հնարավոր եղավ հաղթահարել մարդկանց հուսահատ տրամադրություններն, այլեւ բեկում մտցնել` վերականգնման աշխատանքների գործընթացի մեջ£ Այո, այսօր մենք չենք կասկածում, որ շուտով հրաժեշտ ենք տալու "աղետի գոտի" հասկացությանը:

Հարգելի հայրենակիցներ,

Համընդգրկուն բարեփոխումների արդյունքում եւ մեր բոլորի ջանքերով, համոզված եմ` Հայաստանի Հանրապետությունը կարող է դառնալ տարածաշրջանի ամենակազմակերպված, ժամանակակից տնտեսություն ունեցող, ժողովրդավարական պետություն եւ սա մեր ազգային շահերի իրականացման ամենաարդյունավետ ուղին է:
 
Կրկին շնորհավորում եմ բոլորիս Հայաստանի Հանրապետության անկախության հռչակման 10-րդ տարեդարձի եւ քրիստոնեությունը որպես պետական կրոն հռչակման 1700-ամյակի կապակցությամբ: Այսօր մենք նշում ենք մեծ տոն, որի խորհուրդն ըմբռնելու համար բավական է հիշել, թե երբ է վերջին անգամ հայոց հողի վրա եղել տասնամյա անկախություն: Այսօր մենք նշում ենք մեծ տոն Հայաստանի հավերժական ազատության ու անկախության հանդեպ ունեցած անվերապահ հավատով: 

Կեցցե Հայաստանի Հանրապետությունը:

Լուսանկարներ
|
ՆաԵՎ կարող է հետաքրքրել
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
22.04.2014
ՀԱՐՑԱԶՐՈՒՅՑԻ ՇԱՐՈՒՆԱԿՈՒԹՅՈՒՆ

Հարգելի այցելուներ,
Ձեր ուշադրությանն ենք ներկայացնում ՀՀ երկրորդ նախագահ Ռոբերտ Քոչարյանի՝ մեր կայքին տված հարցազրույցի շարունակությունը: Մենք խնդրել էինք նախագահ Քոչարյանին անդրադառնալ վերջին շրջանում ամենաքննարկվող թեմաներից մեկին՝ Սահմանադրության բարեփոխումներին, ինչպես նաև մի քանի այլ արդիական հարցերի: Տեղեկացնենք նաև, որ մենք հարցերի մի նոր խմբաքանակ ենք ներկայացրել երկրորդ նախագահի գրասենյակ: Հարցերն առնչվում են մի շարք օրակարգային խնդիրների. այսպես կոչված կարմիր գծերին, երթևեկության խախտումներն արձանագրող տեսախցիկներին ու տուգանքների անհամաչափությանը, Որոտանի ՀԷԿ-ի կասկածելի վաճառքին և այլն: Հուսով ենք, որ մոտ ապագայում հնարավորություն կունենանք տեղեկանալ Ռոբերտ Քոչարյանի տեսակետներին նաև այս հարցերի վերաբերյալ և մի նոր հարցազրույց կներկայացնենք մեր ընթերցողներին:  

 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
25.07.2018
Սա Մարտի 1-ը բացահայտե՞լու փորձ է, թե՞ հաշիվ մաքրելու. Սողոմոնյան

ՀՀ երկրորդ նախագահ Ռոբերտ Քոչարյանն այսօր կվերադառնա Հայաստան։ Նա սովորաբար ամեն տարի հուլիսի սկզբին մեկնում է Հայաստանից եւ վերադառնում ամսվա վերջին։ Վերադառնալու հաջորդ օրը՝ հուլիսի 26-ին, Հատուկ քննչական ծառայությունը Քոչարյանին հրավիրել է հարցաքննության Մարտի 1-ի գործով։ ՀՔԾ-ն մինչ այդ ծանուցագիր էր ուղարկել Քոչարյանին՝ նրան հրավիրելով հարցաքննության, բայց քանի որ ՀՀ երկրորդ նախագահը գտնվում էր արտերկրում, ՀՔԾ-ն համաձայնեց սպասել, մինչեւ նա վերադառնա։ Բայց մի փոքր, «խիստ տեխնիկական» հարց կա, որը մինչեւ հիմա նրա գրասենյակը չի կարգավորել՝ որտե՞ղ է տեղի ունենալու Քոչարյանի հարցաքննությունը՝ Հատուկ քննչական ծառայությունո՞ւմ, թե՞ իր նախընտրած վայրում։ Սա նրա գրասենյակի ղեկավար Վիկտոր Սողոմոնյանը երեկ մեզ հետ զրույցում համարեց տեխնիկական հարց, որով զբաղվում են համապատասխան պատասխանատու անձինք։ Բայց, դատելով նրա հայտարարություններից, այս տեխնիկական հարցն իր մեջ որոշակի ամբիցիաներ է պարունակում՝ պայմանավորված Քոչարյանի ստատուսով։ Կարճ ասած՝ Քոչարյանն ուզում է, որ ՀՔԾ-ն գա իր մոտ, ոչ թե ինքը գնա ՀՔԾ, թեպետ ՀՔԾ պետն արդեն հասկացրել է, թե որ դեպքերում են հարցաքննությունը կազմակերպում անձի նախընտրած վայրում, եւ այդ դեպքերի մեջ Քոչարյանի պարագան կարծես թե չի մտնում։

 
 
 
 
 
 
 
 
 
 
 
 
 
 
 
 
 
www.2rd.am և www.2nd.am կայքերի այցելուների կողմից մեզ ուղարկվող բոլոր նյութերը անկախ ձևից, քանակից և ծավալից ամբողջապես կամ հատվածաբար տեղադրվում են էջում միայն կայքի քաղաքականությանը համապատասխանելու դեպքում: