Իրանի նախագահի առաջին այցը ՀՀ
Տասնամյակ, որ վերափոխեց Հայաստանը
07 Սեպ 2011  

Առաջին ինտերնետ - ասուլիսը

2001 թվականի սեպտեմբերի 7-ին Հայաստանի Հանրապետության Նախագահ Ռոբերտ Քոչարյանը ինտերնետ - ասուլիս է տվել WWW.GAZETASNG.RU ՏԵՂԵԿԱՏՎԱԿԱՆ-ՎԵՐԼՈՒԾԱԿԱՆ ԻՆՏԵՐՆԵՏԱՅԻՆ ԷՋՈՒՄ /on-line/:

Ասուլիսը ձեր ուշադրությանն ենք ներկայացնում ամբողջությամբ, հավելելով միայն, որ սա երկրի ղեկավարի առաջին ասուլիսն էր այդ ձևաչափով: Թեև ինտերնետն այդ տարիներին թե մեր հանրապետությունում և թե ԱՊՀ ողջ տարածքում դեռևս չուներ այն մեծ լսարանն ու ազդեցությունը, ինչին հասավ հետագայում, սակայն Ռ. Քոչարյանը համաձայնել է ասուլիսին առաջին հերթին նկատի ունենալով հենց համացանցի աճող հնարավորությունները, ինչպես նաև` կարևորագույն խնդիրների մասին մեր երկրի տեսակետները բարձրաձայնելու լրացուցիչ հնարավորությունը:

Առաջին ինտերնետ-ասուլիսի ընթացքը ցույց տվեց, որ հետաքրքրությունը մեր երկրի ու նրա ղեկավարի խոսքի նկատմաբ շատ ավելի մեծ էր, քան կարող էին պատկերացնել կազմակերպիչները: Այդ են վկայում ստացված, բայց հատկացված ժամանակի ավարտի պատճառով անպատասխան մնացած հարցերի հսկայական թիվը:

ՆԱԽԱԳԱՀ ՌՈԲԵՐՏ ՔՈՉԱՐՅԱՆԻ ԻՆՏԵՐՆԵՏ-ԱՍՈՒԼԻՍԸ WWW.GAZETASNG.RU ՏԵՂԵԿԱՏՎԱԿԱՆ-ՎԵՐԼՈՒԾԱԿԱՆ ԻՆՏԵՐՆԵՏԱՅԻՆ ԷՋՈՒՄ

Նատալյա Շաստիկ, GazetaSNG.ru-ի գլխավոր խմբագրի տեղակալ- Հարգելի բարեկամներ: Մենք սկսում ենք Հայաստանի Հանրապետության նախագահ Ռոբերտ Քոչարյանի ինտերնետ-ասուլիսը: Շնորհակալություն եմ հայտնում GazetaSNG.ru տեղեկատվական-վերլուծական պորտալի ընթերցողներինª ցուցաբերած ակտիվության եւ խմբագրություն ուղարկված մեծ թվով նախնական հարցերի համար: Այդ հարցերը, ինչպես արդեն տեղեկացրել ենք,տրվելու են առաջնահերթությամբ: Ցավոք, մեր ժամանակը խիստ սահմանափակ էª հաշվի առնելով մեր հյուրի գերզբաղվածությունը: Հայաստանն այսօր պատրաստվում է առանցքային միջոցառումների, որոնց թվում են ՌԴ նախագահ Վլադիմիր Պուտինի այցը, Հռոմի Պապ Հովհաննես Պողոս Երկրորդի պատմական այցը Հայաստան:

Ռոբերտ Սեդրակի, հուսով ենք, որ Դուք արդեն կապի մեջ եք մեզ հետ: Մեկ անգամ եւս թույլ տվեք շնորհակալություն հայտնել Ձեզª մեր ինտերնետ ասուլիսին մասնակցելու համար, որն, ինչպես երեւում է հարցերի թվից, հսկայական հետաքրքրություն է առաջացրել աշխարհի ամենատարբեր երկրների ու քաղաքների մեր ընթերցողների շրջանում: Ի դեպ, օգտվելով առիթից, մենք ցանկանում ենք շնորհավորել Ձեզª ծննդյան տոնի առթիվ, եւ մեր ընթերցողներին հիշեցնել, որ Ռոբերտ Քոչարյանն ԱՊՀ ամենաերիտասարդ նախագահներից մեկն է: Օրերս լրացել է նրա 47-ամյակը: Ընդունեք մեր շնորհավորանքը:

Ռոբերտ Քոչարյան - Շնորհակալություն շնորհավորանքի համար: Օգտվելով առիթից, ցանկանում եմ շնորհավորել Հայաստանի քաղաքացիներին, արտերկրի մեր հայրենակիցներին եւ բարեկամներին գալիք տոնիª Հայաստանի անկախության 10-րդ տարեդարձի առթիվ: Շնորհակալություն այսօրվա հանդիպման բոլոր մասնակիցներինª ցուցաբերած ուշադրության համար: Ես անկեղծորեն ուրախ եմ ձեզ հետ շփման հնարավորությունից: Հարցերը, որոնք դուք արդեն ուղարկել եք, շատ հետաքրքիր են, եւ կարծում եմ, տեղի կունենա օգտակար ու անհրաժեշտ զրույց: Ցավոք, արդեն ակնհայտ է, որ սահմանված ժամանակահատվածում ես ոչ բոլոր հարցերին կհասցնեմ պատասխանել, այդ իսկ պատճառով ներողություն եմ խնդրում նրանցից, ում հարցերն այսօր անպատասխան կմնան:

Անդրեյ Սիմոնով, Մոսկվա - Ինչպիսի±ն են Ձեր անձնական շփումները Ինտերնետի հետ: Ընդհանրապես Դուք ինչպե±ս եք վերաբերում երեւակայական շփումներին: Ձեր սերնդի շատ մարդիկ չաթ-երը համարում են անօգուտ, անգամ վնասակար: Դուք Ձեր երեխաներին թույլատրո±ւմ եք շփվել Ինտերնետի միջոցով:

Ռոբերտ Քոչարյան - Ես աձամբ Ինտերնետից ակտիվորեն օգտվելու ժամանակ չունեմ, սակայն միջնորդավորված օգտվում եմ. ամեն օր իմ սեղանին դրվում են թղթապանակներª ինտերնետային տարբեր էջերից քաղված տեղեկատվական նյութերով,ինչպես նաեւ էլեկտրոնային փոստով ստացված բազմաթիվ նամակներ: Այսքանով է առայժմ սահմանափակվում իմ շփումն Ինտերնետի հետ: Սակայն, իմ երեխաներն ակտիվորեն օգտվում են Ինտերնետից, չաթ-երիցª նույնպես: Շատ բան իմանում եմ հենց նրանցից: Ես ողջունում եմ նրանց այդ հետաքրքրությունը եւ չեմ սահմանափակում այն:

Արմեն Կարապետյան-տնտեսագետ - Երբ Դուք ընտրվում էիք Նախագահ, ասում էիք, որ Հայաստանին անհրաժեշտ է տնտեսական թռիչք: Սակայն, երկրում նույն տնտեսական ծանր իրավիճակն է: Ձեր կարծիքով, Ձեզ հաջողվե±ց ինչ-որ բան անել:

Ռոբերտ Քոչարյան - Տնտեսապես հզոր Հայաստանն ինձ համար թիվ մեկ նպատակն է: Դուք ճիշտ եք, մենք հիմա էլ շարունակում ենք տնտեսության բնագավառում բազմաթիվ խնդիրներ լուծել, եւ դրանք, այնուամենայնիվ, շարունակում են առաջնային մնալ Հայաստանի համար: Սակայն խնդիրներն այլեւս այն չեն, ինչ երկու-երեք տարի առաջ էին: Անցած տարիների ընթացքում Հայաստանի տնտեսական մթնոլորտը էականորեն փոխվել է:

Ամենագլխավորը, ինչին մենք հասել ենքª գոյատեւման հայեցակարգից անցումն է ակտիվ զարգացմանը: Մենք բարեփոխել ենք հարկային օրենսդրությունըª այն ուղղելով գործարարության զարգացմանը, դատաիրավական համակարգը, ինչի շնորհիվ գործարարները ստացել են պաշտպանվածության իրական երաշխիքներ: Փոխվել է սեփականաշնորհման նկատմամբ մեր մոտեցումը. գնորդներից մենք պահանջում ենք հստակ երաշխիք, որ ձեռնարկությունը պետք է աշխատի, որ կարվեն բոլոր անհրաժեշտ ներդրումները, կոլեկտիվի հետ կլուծվեն սոցիալական հարցերը: Այս համալիր միջոցառումների արդյունքում սկսեցին աշխատել եւ հզորություն են հավաքում խոշոր ձեռնարկությունները:

Այսօր հիմնական խնդիրը բոլոր ուղղություններով բարեփոխումները ակտիվորեն առաջ մղելն է: Հայաստանն իր տնտեսական հիմնախնդիրները լուծում է. դրանց էությունն այսօր որակապես տարբեր է նախկինից, իսկ զարգացման դինամիկանª բոլորովին այլ է: Ցանկալի կլիներ, իհարկե, որ տեմպերն ավելի արագ լինեին, իսկ արդյունքներնª ավելի շոշափելի: Համոզված եմ, որ դա կլինի:

Panarmenian.net, Երեւան - Շատ երկրների ղեկավարներ միանշանակ չեն վերաբերում Ինտերնետին: Տեղեկատվության չվերահսկվող փոխանակման հնարավությունը շատերի մոտ մտավախություն եւ զգուշավորություն է առաջացնում: Ինտերնետը մարդկանց դարձնում է դժվար վերահսկելի, պետությունից ավելի քիչ կախված: Հայաստանի ղեկավարությունն ինչպե±ս է վերաբերում Ինտերնետի զարգացմանը: Ձեզ համար, որպես Նախագահ, ի±նչ է Ինտերնետը:

Ռոբերտ Քոչարյան - Հայաստանում իրականացվող բոլոր բարեփոխումների իմաստը մարդկանց պետությունից ավելի անկախ դարձնելն է: Իշխանության եւ կառավարման մարմինները պետք է վերահսկվեն հասարակության կողմից, եւ այստեղ է, որ Ինտերնետը մեծ հնարավորություններ է առաջարկում: Իշխանությունը պետք է աշխատի թափանցիկ եւ լինի կանխատեսելի:

Հայաստանում աշխատանքի նման մեթոդները դառնում են առօրեական: Գրեթե բոլոր պետական մարմիններն ունեն իրենց ինտերնետային էջերը, որտեղ պարտավոր են հրապարակել հասարակական նշանակություն ունեցող տվյալները: Բացի այդ, Ինտերնետի հայկական մասում ներկայումս իրականացվում են շատ հետաքրքիր եւ կարեւոր ծրագրեր, որոնք ունեն տեղեկատվական, կրթական, սոցիալական ուղղվածություն:

Այս տարի նման մի նախագիծª հայ դասական գրականության եւ պատմագրության տեքստերի ժողովածուն, արժանացել է Նախագահական մրցանակի: Սա, կարծում եմ, ինքնին իմ վերաբերմունքի արտահայտությունն է: Մենք մտադիր ենք այսուհետ եւս ակտիվորեն զարգացնել այս ուղղությունը եւ մոտ ապագայում Հայաստանում կամ Հայաստանի մասին ցանկացած բաց տեղեկատվություն ստանալը կպահանջի մի քանի րոպե:

Նախագահի համար Ինտերնետը աշխատանքում կարեւոր գործիք է:

azadinform@azerin.com, Բաքու, Ադրբեջան - Ի±նչ է նախատեսում Հայաստանի ղեկավարությունը "փոխզիջում" հասկացության մեջ, եւ փոխզիջման այդ պայմանները կպաշտպանի արդյո±ք Ձեր հասարակությունը:

Ռոբերտ Քոչարյան - Հայաստանը բազմիցս հայտարարել է հակամարտության լուծման փաթեթային տարբերակին իր հավատարմության մասին: Այս դեպքում, սկզբից եւեթ, կողմերը գիտեն հակամարտության կարգավորման արդյունքում ինչ են ստանում եւ ինչª կորցնում:

Մենք հստակ ձեւակերպել ենք երեք սկզբունք, որոնք պետք է լինեն կարգավորման հիմքում. հակամարտության կողմերի իրավահավասարություն, ԼՂՀ-ի անկլավային գոյության անհնարինություն, ԼՂՀ-ի բնակչության համար անվտանգության միջազգային երաշխիքներ: Այս սկզբունքների պահպանման դեպքում Հայաստանը կարող է քննարկել հնարավոր փոխզիջումային լուծումները:

Ինչ վերաբերում է Ձեր հարցի երկրորդ մասին, ապա, եթե որոշում կայացվի, յուրքանչյուր կողմի ղեկավար պետք է ունենա անհրաժեշտ քաղաքական կամքª բացատրել իր ժողովրդին այդ տարբերակի առավելությունները եւ համոզել ընդունել այն: Եթե նման քաղաքական կամք չկա, ապա այդ ղեկավարն իրավունք չունի բանակցային գործընթացը վարել:

Լարիսա Սարուխանյան, Երեւան - Հարգելի Ռոբերտ Սեդրակի, ցանկանում եմ իմ աջակցությունը հայտնել Ձեզ: Ես Ձեզ ընտրել եմ 1998թ.-ին եւ հաջորդ անգամ եւս ես ու իմ ընտանիքը կքվեարկենք Ձեր օգտին: Վերջին շրջանում ընդդիմությունն ակտիվացել է, ստեղծվում են նոր կուսակցություններª բացարձակ հասկանալի սկզբունքներով:

Ձեզ չի թվում, որ նրանք պարզապես ուզում են իշխանությունը զավթել: Մինչեւ ե±րբ եք մտադիր այս ամենն հանդուրժել:

Ռոբերտ Քոչարյան - Շնորհակալություն, բարի խոսքերի համար£ Իմ համբերությունը բավական է, եւ ես չեմ պատրաստվում փոխել ընդդիմության հետ իմ աշխատանքի գլխավոր սկզբունքըª հանդուրժողականությունը£ Խոսքը քաղաքական շփումների կուլտուրայի մասին է:

Անհրաժեշտ է կարողանալ հարգել գործընկերներինª անկախ նրանից, ձեզ դուր են գալիս նրա հայացքները, թեª ոչ: Ցավոք, ոչ միշտ եմ համարժեք պատասխան ստանում: Ընդհանուր առմամբ, ընթանում է նորմալ քաղաքական գործընթաց: Ամեն դեպքում, հիմնական քաղաքական կուսակցությունների, խորհրդարանական խմբակցությունների հետ երկխոսությունը բավականին կառուցողական է:

Նախագահին կարելի է եւ պետք է քննադատել թերությունների համար: Բայց վիրավորանքների առջեւ նա անպաշտպան է: Ես չեմ կարող նույն կերպ պատասխանել. թույլ չի տալիս հարգանքը պաշտոնի նկատմամբ եւ դաստիարակությունս: Ես փորձում եմ մարդկանց բացատրել իմ գործողությունները, լինել ազնիվ նրանց նկատմամբ: Իմ այս կամ այն գործողությունը կարող է հանդիպել քննադատության, մեկին դուր գալ, մյուսինª ոչ: Սակայն, քննադատությունը սարսափելի չէ, եթե դու մարդկանց հետ ազնիվ ես, եւ նրանք քեզ հասկանում ու վստահում են:

Ինձ համար գլխավորըª կատարած պարտքի զգացումն է մարդկանց առջեւ, որոնք ինձ ընտրել են երկրի նախագահ:

Վարդգես Հակոբյան, Մոսկվա - Դուք խոստացել էիք, որ այս տարի Հայաստանում կբացվեն 40 հազար աշխատատեղ: Դա ինձ շատ ուրախացրեց: Մոտ հինգ տարի առաջ աշխատավայրում կրճատման պատճառով ես տեղափոխվեցի Ռուսաստանª աշխատանք գտնելու: Իսկ հիմա գոնե ինչ-որ հույս է առաջացել: Սակայն, կարծում եմ, որ իմ նմանները շատ են եւ բոլորի համար միեւնույն է աշխատանք չի գտնվի: Ի±նչ եք անում, որ Հայաստանում գործազրկությունն, իսկապես, նվազի:

Ռոբերտ Քոչարյան - Գործազրկության նվազեցման ճանապարհներն ամենուր նույնն են. տնտեսական աճ, արդյունաբերության, փոքր եւ միջին բիզնեսի զարգացում: Պաշտոնական տվյալներով վերջին ժամանակներս գործազրկությունը կազմում է 17 տոկոս, սակայն իրականում, կարծում եմ, ավելին է:

Այս տարի, իսկապես, մենք մեր առջեւ նպատակ ենք դրել ստեղծել 40 հազար աշխատատեղ: Խոսքն, առաջին հերթին, այն մասին է, որ կառավարությունն իր տնտեսական քաղաքականությամբ նպաստում է ներդրումների ներգրավմանը եւ նոր աշխատատեղերի ստեղծմանը: Հայաստանի համար 40 հազար աշխատատեղ մեկ տարվա ընթացքումª բավական բարձր նիշ է: Սակայն, ես կարծում եմ, մենք պետք է ձգտենք հնարավորինս առավելագույն թվերի: Իհարկե, դա չի լուծում գործազրկության խնդիրն ամբողջ Հայաստանում, սակայն մենք արել ենք առաջին կարեւոր քայլը£ Նախանշել ենք նպատակը, որի ուղղությամբ կենտրոնացել է բոլորիª եւ կառավարական կառույցների, եւ` իշխանության տեղական մարմինների աշխատանքը: Տարեվերջին կամփոփենք այդ աշխատանքի արդյունքը£ Եվ այդպես մի քանի տարի:

Անատոլի Վոլկ, լրագրող-միջազգայնագետ - Ինչպե±ս եք Դուք տեսնում հայ-ռուսական հարաբերությունների ապագան:

Ռոբերտ Քոչարյան - Այնպես, ինչպես միշտª հիմնված բարեկամության, փոխըմբռնման եւ միմյանց շահերի փոխադարձ հարգման վրա: Հայաստանի եւ Ռուսաստանի հետաքրքրությունները բազմաթիվ առումներով ուղղակի համընկնում են: Առաջին հերթին, հենց դրանով է պայմանավորված ռազմավարական գործընկերությունը մեր երկրների միջեւ: Մեր հարաբերություններին հատուկ նրբերանգ են տալիս արդեն ձեւավորված ավանդույթներըª մեր համատեղ պատմությունը, մեր ժողովուրդների միջեւ խորը մշակութային կապերը:

Սերգեյ Գեւորգյան, Երեւան- Դ ուք ի±նչ գիտեք այն մասին, թե ինչպես են ապրում հասարակ մարդիկ Ձեր երկրում:

Ռոբերտ Քոչարյան - Հայաստանը մեծ երկիր չէ եւ մեկուսանալ հասարակ մարդկանց խնդիրներից ուղղակի հնարավոր չէ: Ես երբեք չեմ մոռանում, որ մեր շատ քաղաքացիներ վատ են ապրում, բայց ես նաեւ գիտեմ, որ մարդկանց օգնել կարելի է միայն կոնկրետ գործերով, որոնք պահանջում են պրագմատիկ մոտեցում, նպատակաուղղված ջանքեր£ Մարդիկ ամեն տարի պետք է զգան, որ կոնկրետ ուղղություններով ինչոր առաջընթաց է կատարվում£ Ցավոք, տնտեսության մեջ առկա դրական տեղաշարժերը հասարակության մի մասը դեռեւս իր առօրյա կյանքում չի զգում: Բայց քանակը վերածվում է որակի, եւ մեր ամենօրյա աշխատանքն, անկասկած, կանդրադառնա մեր բոլոր քաղաքացիների կյանքի որակի վրա:

Ռուբեն Մաթեւոսյան, նախկին ինժեներ - Ձեր կառավարությունն արտասահմանցիներին է վաճառել հեռախոսացանցը, Կոնյակի գործարանը, հիմա պատրաստվում է վաճառել էներգահամակարգը: Ինչ է մնում իրենª Հայաստանին: Մինչեւ երբ պետք է Հայաստանի ազգային հարստությունն այդպես թալանվի: Ի±նչ ենք մենք թողնելու մեր զավակներին:

Կյանքը ցույց է տվել, որ պետությունը ամենաարդյունավետ սեփականատերը չէ: Հակառակ դեպքում, Խորհրդային Միությունը մինչեւ այժմ կծաղկեր: Գործադիր իշխանությունը պետք է ոչ թե կառավարի բիզնեսը, այլª պայմաններ ստեղծի նորմալ տնտեսավարման համար£ Սա իմ խորին համոզմունքն է£ Այլ հարց է ճիշտ, արդյունավետ սեփականաշնորհումը: Այստեղ, իհարկե, խնդիրներ կան:

Ինչ վերաբերում է Կոնյակի գործարանին եւ մյուս ձեռնարկություններին...դրանք ինչպես եղել, այնպես էլ մնում են Հայաստանում: Ավելացնեմ, որ արտասահմանցիների կողմից սեփականաշնորհված ձեռնարկություններն աշխատում են, շատերըª բավական հաջող: Ի դեպ, կոնյակի որակն ավելի լավացել է, իսկ գործարանը խաղողի դիմաց վճարումները գյուղացիներին կատարում է ժամանակին:

raisa214@aol.com, Լոս-Անջելես, ԱՄՆ - Ինչո±ւ Հայաստանըª հաղթանակած երկիրն, ապրում է տնտեսական չքավորության եւ քաղաքական մեկուսացման մեջ:

Ռոբերտ Քոչարյան - Մեր ժողովուրդն, իսկապես, դժվար է ապրում, բայց սոցիալական եւ տնտեսական իրավիճակի համեմատական գնահատականով մենք համադրելի ենք ԱՊՀ մյուս երկրների հետ: Բնակչության մեկ շնչին ընկնող համախառն ներքին արդյունքով, աղքատության մակարդակով միջազգային ֆինանսական կազմակերպություների գնահատմամբ, Հայաստանը վերջին շարքում չէ, իսկ որոշ ցուցանիշներով անգամ առաջատարների թվում է: Դրան զուգահեռ, մեզ մոտ պարզորոշ նկատվում է տնտեսական զարգացման դրական դինամիկա: "Քաղաքական մեկուսացում" ձեւակերպման կիրառումը Հայաստանի նկատմամբ ինձ զարմացնում է: Կարծում եմ, դուք ուղղակի ծանոթ չեք մեր արտաքին քաղաքական գործունեությանը:

Սիսակ, Կրասնոդար, ՌԴ - Երկրաշարժից հետո մեր ընտանիքը տեղափոխվել է հարազատների մոտª Կրասնոդարի երկրամաս: Ես այժմ սովորում եմ ինստիտուտում, բայց միշտ երազել եմ վերադառնալ հարազատ քաղաքª յումրի եւ ապրել Հայաստանում:

Մեր ամբողջ ընտանիքը ցանկանում է վերադառնալ, բայց կունենա±ք մենք սեփական տանիք մեր գլխին, կարող ենք ապրուստի միջոց գտնել: Ինչպիսի±ն է հիմա իրավիճակն երկրաշարժի գոտում: Կապիտալ շինարարության ծավալը Հանրապետությունում բավականին մեծ է եւ դրա զգալի մասը կատարվում է երկրաշարժի գոտում: Ընթացքի մեջ են բնակարաններից զրկված ընտանիքների տեղավորման լուրջ ծրագրեր, որոնք իրականացվում են պետության եւ միջազգային տարբեր կազմակերպությունների կողմից: Առաջիկա երկու տարում բնակարանների խնդիրն այս շրջաններում արմատապես կբարելավվի:

Ինչ վերաբերում է աշխատատեղերին, ապա աշխատանքի դաշտը բավական լայն է, եւ արդեն զգացվում է բարձրորակ շինարարական կադրերի անհրաժեշտություն£ Բացի այդ, կան արդյունաբերական ձեռնարկությունների վերագործարկման մի շարք ծրագրեր, կառավարությունը մշակում է մեխանիզմներ, որոնք կնպաստեն մասնավոր կապիտալի ներգրավմանն այդ շրջաններ£ Արդեն սկսել է աշխատել հայկական արդյունաբերության հսկաներից մեկըª Վանաձորի քիմիական համալիրը£ Աշխատում են նաեւ սննդի եւ թեթեւ արդյունաբերության մի քանի վերականգնված ձեռնարկություններ, նկատելի են դրական միտումներ գյուղատնտեսության բնագավառում, զարգանում է սպասարկման ոլորտը: Վերջին տարիների ջանքերի շնորհիվ, կառուցվել եւ գործում են բազմաթիվ ժամանակակից հիվանդանոցներ ու պոլիկլինիկաներ: Տարեվերջին մենք աղետի գոտում այլեւս չենք ունենա տնակային դպրոցներ, բոլոր դպրոցները կունենան կապիտալ շենք: Դրանցից շատերը համապատասխանում են ամենավերջին պահանջներին, հագեցված են ժամանակակից սարքավորումներով եւ գործում են տարբեր բարեգործական հիմնադրամների հովանավորության տակ£ Կարծում եմ, այս ամենը հնարավորություն կտան լուծել եւ Ձեր ընտանիքի, եւ էլի շատերի խնդիրները:

Csmpltn2B@aol.com - Բարեւ Ձեզ: Իմ անունը Գեւորգ Ալեքսանյան է, ես գրում եմ ԱՄՆ-ից: Ես կցանկանայի հարցնել, պարոն Նախագահին, թե նա ինչ քայլեր է ձեռնարկում տնտեսության ոլորտում, հատկապես փոքր բիզնեսի մասնավոր հատվածում հավասար հնարավորությունների մթնոլորտ ստեղծելու ուղղությամբ:

Ռոբերտ Քոչարյան - Դուք արծարծեցիք շատ կարեւոր հարց: Մասնավոր բիզնեսի համար բարենպաստ պայմանների ստեղծումը Հայաստանի տնտեսության զարգացման գլխավոր նախադրյալն է: Ցավոք, չեմ կարող ասել, որ Հայաստանի անկախ պետության գոյության տասը տարիների ընթացքում, մենք միշտ եղել ենք հետեւողական, սակայն որոշ արմատական քայլեր այդ ուղղությամբ արվել են: Ընդունվել են բիզնեսի ոլորտը կարգավորող կարեւորագույն օրենքներ, հստակ ուրվագծվել են պետական հսկողության սահմանները: Շատ հարցերում հաջողվել է նվազագույնի հասցնել չինովնիկների կամայականությունների հնարավորությունը: Իրականացվել է դատաիրավական համակարգի բարեփոխում, ինչը բիզնեսին պաշտպանվածության կարեւոր երաշխիքներ է տալիս: Զգալիորեն փոխվել է հարկային օրենսդրությունը:

Խթանվում է մանր եւ միջին բիզնեսի զարգացումը: Մենք որոշակի արդյունք արդեն ունենք, հատկապես բարձր տեխնոլոգիաների, ծառայությունների, առեւտրի, տուրիզմի, վերամշակման, ադամանդի մշակման, ոսկերչության եւ այլ բնագավառներում:

Դրանում համոզվելու համար բավական է անցնել Երեւանի փողոցներով: Իհարկե, միամիտ է հուսալ, թե բոլոր խնդիրները հնարավոր է լուծել մեկ ակնթարթում. մենք գիտակցում ենք, որ այդ ճանապարհը երկար է, սակայն նաեւ հասկանում ենք, որ այն պետք է անցնել:

Արփինե Աղաբաբյան, Հայաստան - Որտե±ղ է համեմատաբար ավելի հեշտ ներքին, թե արտաքին քաղաքականության ոլորտում:

Ռոբերտ Քոչարյան - Դժվարանում եմ համեմատական գնահատականներ տալ: Այդ ամենը փոխկապակցված են: Պարզ ներքին հարցերը կապված սոցիալական հիմնախնդիրների, աշխատատեղերի ստեղծման հետ, ենթադրում են արտաքին քաղաքական բնույթի խնդիրների ողջ համալիրի լուծում եւ հակառակը: Դա ամենօրյա աշխատանք է, որը երբեք հեշտ չի լինում:

Օրինակ, անցումային փուլում գտնվող ցանկացած երկրի տնտեսությունը բարձրացնել առանց արտասահմանյան խոշոր ներդրումների համարյա անլուծելի խնդիր է: Լուրջ ներդրումներ ներգրավել "վատ համբավ" ունեցող երկիր, հեշտ գործ չէ, հատկապես եթե խոսքը չի վերաբերում հումքային ոլորտին: Այդ իսկ պատճառով, արտաքին քաղաքականության խնդիրներից մեկը միջազգային ասպարեզում երկրի արժանավայել իմիջի ապահովումն է:

Շախիմ Ալիեւ, Բաքու - Դուք համաձա±յն եք, որ Հայաստանն այսօր շահել է սոսկ ճակատամարտն, այլª ոչ թե պատերազմը: Դուք չեք ընդունում, որ Հայաստանի տնտեսական ռեսուրսները շատ թույլ են, որպեսզի ապահովեն նրա վերջնական հաղթանակը: Դուք անհանգստություն չունե±ք Ադրբեջանի կողմից ղարաբաղյան անջատողականների դեմ հակաահաբեկչական գործողություններից:

Ռոբերտ Քոչարյան - Ձեր հարցը մի քիչ չար է: Կարծում եմ, եւ Ադրբեջանի, եւ Հայաստանի, եւ Հարավային Կովկասի բոլոր երկրների համար ամենագլխավորը հասկանալն է, որ գերագույն նպատակն էª շահել խաղաղությունը: Կյանքը ոչ մեկ անգամ է ցույց տվել, որ յուրաքանչյուր թշնամություն մեր տարածաշրջանումª լինի դա ճակատամարտ, պատերազմ, թե ուղղակի սառը դիմակայություն, ոչ ոքի օգուտ չի բերում: Դուք, որպես Ադրբեջանի բնակիչ, հավանաբար նույնպես դա զգում եք: Մեր տարածաշրջանը կարող է բարգավաճել, եթե այստեղ հաստատվի ամուր խաղաղություն եւ կայունություն, հենց դրան են ուղղված Հայաստանի ղեկավարության ջանքերը: Ինչ վերաբերում է ռեսուրսներին, ապա Դուք կարող եք փաստերով համոզվել, որ Հայաստանի տնտեսությունը զարգանում է ոչ պակաս արագ տեմպերով, քան Ադրբեջանինը: Ի դեպ, քաղաքականության մեջ նավթային ռոմանտիզմը շատերին է հուսախաբել:

Ինչ վերաբերում է անհանգստությանը...Անցած տարիների ընթացքում երկու կողմերն էլ կազմավորել են պաշտպանության բավականին հզոր համակարգ: Կա մեծ վստահություն, որ եւ ռազմական, եւ քաղաքական առումով, եւ սեփական ժողովրդի աչքում կպարտվի նա, ով առաջինը կսկսի նոր հակամարտություն:

Առաքելյան Աշոտ, Երեւան - Հարգելի պարոն Նախագահ, ես գիտեմ, որ Դուք սիրում եք բասկետբոլ խաղալ: Ասացեք խնդրեմ, տասը հնարավոր երեք բալային նետումներից քանի±սը կարող եք անվրեպ նետել:

Ռոբերտ Քոչարյան - Երեք բալային նետումներով ես երբեք չեմ փայլել: Գերադասում եմ գրոհել զամբյուղը:

Նատալյա Շաստիկ, GazetaSNG.ru-ի գլխավոր խմբագրի տեղակալ - Հարգելի Ռոբերտ Սեդրակի, ցավոք, մեր ինտերնետ-ասուլիսի ժամանակը սպառվում է: Սակայն հարցերի հոսքը շարունակվում է: Այդ իսկ պատճառով, խնդրում ենք Ձեզ մի փոքր ժամանակ եւս հատկացնել ու պատասխանել այն հարցերին, որ նախապես ստացվել էին:

Տիգրան Թավադյան, "Երկրամաս" թերթի գլխավոր խմբագիր /tigran2000@mail.ru/- Ռոբերտ Սեդրակի, որ փուլում են Հայաստանի Սահմանադրության փոփոխությունները, որոնք վերաբերում են այլ երկրների քաղաքացիներին Հայաստանի քաղաքացիություն տալու հնարավորությանը /երկքաղաքացիության սկզբունքը/:

Ռոբերտ Քոչարյան - Սահմանադրական բարեփոխումների փաթեթն արդեն պատրաստ է եւ այս ամսվա ընթացքում պաշտոնապես կներկայացվի Ազգային Ժողով: Այն ներառում է նաեւ երկքաղաքացիությանը վերաբերող փոփոխությունները: Երբ կոնկրետ տեղի կունենա Սահմանադրության բարեփոխումների հանրաքվենª այս տարվա ընթացքում, թե հաջորդ տարվա սկզբին, կախված է, որքան լայն կլինի առաջարկված նախագծի նկատմամբ քաղաքական ուժերի կոնսենսուսը: Ցանկանում եմ ավելացնել, որ կողմնակից եմ Հայաստանում երկքաղաքացիության ինստիտուտին: Կարծում եմ, այսքան ընդարձակ եւ պատմականորեն ձեւավորված սփյուռք ունեցող երկիրը պետք է իր հայրենակիցներին ընձեռի համապատասխան մեխանիզմներª ամրապնդելու կապերը պատմական Հայրենիքի հետ:

Ալիմ Այթիմբեկով, Ալմա-Աթա - Հայաստանն իրեն համարում է արեւմտյա±ն, թե արեւելյան երկիր: Որո±նք են Հայաստանի առաջնությունները Կենտրոնական Ասիայում:

Ռոբերտ Քոչարյան - Այս հարցի պատասխանը որոշակիանում է Հայաստանի աշխարհագրական դիրքով: Մենք գտնվում ենք Եվրոպայի ու Ասիայի խաչմերուկում եւ հենց դրանով է շատ բան պայմանավորված մեր պատմության, մշակույթի եւ հասարակական գիտակցության մեջ:

Հայ ժողովրդի ավանդույթներն ու աշխարհընկալումն արեւմտյան եւ արեւելյան պատկերացումների միահյուսում է: Թեեւ, մենք մեզ ավելի հարմարավետ ենք զգում եվրոպական արժեքների համակարգում: Կարծում եմ, դա գալիս է մեր ժողովրդի շատ խորը քրիտոնեական արմատներից: Մենք ձգտում ենք զարգացնել քաղաքական կապերը եւ փոխշահավետ տնտեսական համագործակցությունը Կենտրոնական Ասիայի բոլոր երկրների հետ եւ պետք է ասեմª բավականին հաջող:

Արթուր Ակոպով, "Վեկ" թերթ - Ձեր կարծիքով, մոտակա ժամանակներս հնարավո±ր է ղարաբաղյան հակամարտության կարգավորումը:

Ռոբերտ Քոչարյան - Կարծում եմ, այդպիսի հարցերում կանխատեսումներ անելն անիմաստ է: Միայն կասեմ, որ մենք շարունակում ենք աշխատել այդ ուղղությամբ:

Սուրեն Այվազյան-գործարար - Պարոն Նախագահ, մեր ընկերությունը նպատակ ունի բիզնես սկսել Հայաստանում: Սակայն, արդեն մի քանի ամիս մենք կորցրել ենք տարբեր չինովնիկների բացատրելով, բայց այդպես էլ չենք ստացել բիզնես-ծրագրի համար անհրաժեշտ տվյալները: Ի±նչ է հարկավոր, որ գործն ավելի արագ ընթանա: Միգուցե, Դուք կարող եք մեզ օգնել:

Ռոբերտ Քոչարյան - Մեզ մոտ գործում է Զարգացման գործակալություն, որը հատուկ ստեղծվել է դյուրացնելու համար մասնավոր գործարար ծրագրերի տեղաշարժը: Այն, փաստորեն, ելակետ է շատ գործարարների համար, որոնք մտնում են հայկական շուկա:

Ցավոք, չինովնիկների եւ բյուրկրատական քաշքշուկների հետ կապված խնդիրներ գոյություն ունեն, թեկուզեւ նկատելիորեն պակասել են: Կոնկրետ առաջարկներով կարող եք նաեւ դիմել Նախագահի աշխատակազմ: Երաշխավորում եմ, որ կստանաք Ձեզ հետաքրքող բոլոր հարցերի պատասխանները եւ անհրաժեշտ օգնություն: Ես չեմ հիշում դեպք, երբ որեւէ հետաքրքիր առաջարկ, հասնելով Նախագահի աշխատակազմ, չիրականանա:

Արման Ղազարյան, ստոմատոլոգ - Ե±րբ է նախատեսվում Հայաստանի անդամակցությունն Առեւտրի Համաշխարհային Կազմակերպությանը: Ի±նչ կտա այն մեր երկրին:

Ռոբերտ Քոչարյան - Նախատեսվում է, որ մեր երկիրը մինչեւ տարեվերջ կդառնա Առեւտրի Համաշխարհային Կազմակերպության անդամ: Դա, ըստ էության, նշանակում է միջազգային ճանաչումն այն բանի, որ Հայաստանում, չնայած մի շարք խնդիրների առկայությանը, շուկայական տնտեսությունն, այնուամենայնիվ, կայացել է:

Առանց արտահանման լուրջ աճի Հայաստանի տնտեսությունը չի կարող բարձրանալ: Իսկ ԱՀԿ անդամակցությունը, դա նախ եւ առաջ, կազմակերպության անդամ-երկրների կանխատեսելի շուկաներն են: Դա նշանակում է նաեւ մեր շուկայի կանխատեսելիություն, ինչը բարենպաստ ներդրումային մթնոլորտի հիմքն է:

Նատալյա Շաստիկ, GazetaSNG.ru գլխավոր խմբագրի տեղակալ - Հարգելի ընթերցողներ, ցավոք, մենք այլեւս չենք կարող զբաղեցնել Հայաստանի Նախագահին: Թեեւ հարցերի հոսքը շարունակվում է, այնուամենայնիվ, մենք ստիպված ենք ավարտել մեր աշխատանքը:

Շնորհակալություն ենք հայտնում պարոն Քոչարյանին, որ համաձայնվեց մասնակցել մեր ասուլիսին:

Լուսանկարներ
|
ՆաԵՎ կարող է հետաքրքրել
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
25.07.2018
Սա Մարտի 1-ը բացահայտե՞լու փորձ է, թե՞ հաշիվ մաքրելու. Սողոմոնյան

ՀՀ երկրորդ նախագահ Ռոբերտ Քոչարյանն այսօր կվերադառնա Հայաստան։ Նա սովորաբար ամեն տարի հուլիսի սկզբին մեկնում է Հայաստանից եւ վերադառնում ամսվա վերջին։ Վերադառնալու հաջորդ օրը՝ հուլիսի 26-ին, Հատուկ քննչական ծառայությունը Քոչարյանին հրավիրել է հարցաքննության Մարտի 1-ի գործով։ ՀՔԾ-ն մինչ այդ ծանուցագիր էր ուղարկել Քոչարյանին՝ նրան հրավիրելով հարցաքննության, բայց քանի որ ՀՀ երկրորդ նախագահը գտնվում էր արտերկրում, ՀՔԾ-ն համաձայնեց սպասել, մինչեւ նա վերադառնա։ Բայց մի փոքր, «խիստ տեխնիկական» հարց կա, որը մինչեւ հիմա նրա գրասենյակը չի կարգավորել՝ որտե՞ղ է տեղի ունենալու Քոչարյանի հարցաքննությունը՝ Հատուկ քննչական ծառայությունո՞ւմ, թե՞ իր նախընտրած վայրում։ Սա նրա գրասենյակի ղեկավար Վիկտոր Սողոմոնյանը երեկ մեզ հետ զրույցում համարեց տեխնիկական հարց, որով զբաղվում են համապատասխան պատասխանատու անձինք։ Բայց, դատելով նրա հայտարարություններից, այս տեխնիկական հարցն իր մեջ որոշակի ամբիցիաներ է պարունակում՝ պայմանավորված Քոչարյանի ստատուսով։ Կարճ ասած՝ Քոչարյանն ուզում է, որ ՀՔԾ-ն գա իր մոտ, ոչ թե ինքը գնա ՀՔԾ, թեպետ ՀՔԾ պետն արդեն հասկացրել է, թե որ դեպքերում են հարցաքննությունը կազմակերպում անձի նախընտրած վայրում, եւ այդ դեպքերի մեջ Քոչարյանի պարագան կարծես թե չի մտնում։

 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
22.04.2014
ՀԱՐՑԱԶՐՈՒՅՑԻ ՇԱՐՈՒՆԱԿՈՒԹՅՈՒՆ

Հարգելի այցելուներ,
Ձեր ուշադրությանն ենք ներկայացնում ՀՀ երկրորդ նախագահ Ռոբերտ Քոչարյանի՝ մեր կայքին տված հարցազրույցի շարունակությունը: Մենք խնդրել էինք նախագահ Քոչարյանին անդրադառնալ վերջին շրջանում ամենաքննարկվող թեմաներից մեկին՝ Սահմանադրության բարեփոխումներին, ինչպես նաև մի քանի այլ արդիական հարցերի: Տեղեկացնենք նաև, որ մենք հարցերի մի նոր խմբաքանակ ենք ներկայացրել երկրորդ նախագահի գրասենյակ: Հարցերն առնչվում են մի շարք օրակարգային խնդիրների. այսպես կոչված կարմիր գծերին, երթևեկության խախտումներն արձանագրող տեսախցիկներին ու տուգանքների անհամաչափությանը, Որոտանի ՀԷԿ-ի կասկածելի վաճառքին և այլն: Հուսով ենք, որ մոտ ապագայում հնարավորություն կունենանք տեղեկանալ Ռոբերտ Քոչարյանի տեսակետներին նաև այս հարցերի վերաբերյալ և մի նոր հարցազրույց կներկայացնենք մեր ընթերցողներին:  

 
 
 
 
 
 
 
 
 
 
www.2rd.am և www.2nd.am կայքերի այցելուների կողմից մեզ ուղարկվող բոլոր նյութերը անկախ ձևից, քանակից և ծավալից ամբողջապես կամ հատվածաբար տեղադրվում են էջում միայն կայքի քաղաքականությանը համապատասխանելու դեպքում: