Կանանց դերակատարությունն ավելացնելու նպատակով
Համակերպում կամ էվոլուցիա
25 Փետ 2012  

Բարեկամության տարեգրություն

2002 թվականի այս օրը` փետրվարի 25-ին , Հայաստանի եւ Ֆրանսիայի միջեւ դիվանագիտական հարաբերությունների հաստատման տասնամյակի կապակցությամբ նախագահ Ռոբերտ Քոչարյանը ուղերձ էր հղել Ֆրանսիայի Հանրապետության նախագահ Ժակ Շիրակին: Այս փաստը լավ առիթ է, երկու երկրների և երկու ժողովուրդների բարեկամության տարեգրությունը վերհիշելու: Այդ նպատակով ձեզ ենք ներկայացնում ինչպես երկրորդ նախագահի բուն ուղերձը, այնպես էլ երկու երկրների նախագահների այցերի պատմությունը:

Նախագահ Ռոբերտ Քոչարյանի աշխատանքային այցը Ամերիկայի Միացյալ Նահանգներ եւ Ֆրանսիա, 25 հունիս-02 հուլիս, 2000թ.

ԱՄՆ-ից վերադառնալիս Փարիզում Հայաստանի Նախագահը հանդիպումներ է ունեցել Ֆրանսիայի նախագահ Ժակ Շիրակի, վարչապետ Լիոնել Ժոսպենի, Սենատի նախագահ Քրիստիան Պոնսլեի հետ: Ռ.Քոչարյանը Փարիզում հանդիպել է աշխարհահռչակ երգիչ Շառլ Ազնավուրին եւ նրան հանձնել "Սուրբ Մեսրոպ Մաշտոց" շքանշանը:

Նախագահ Ռոբերտ Քոչարյանը եւ Ամենայն հայոց կաթողիկոս Ն.Ս.Օ.Տ.Տ. Գարեգին Երկրորդը 2000թ. դեկտեմբերի 13-ին, Փարիզում մասնակցել են Շարլ Ազնավուրի "Սուրբ Ծնունդը` Հայաստանի երեխաներին" բարեգործական համերգին

Նախագահ Ռոբերտ Քոչարյանը եւ Ամենայն Հայոց կաթողիկոս, Ն.Ս.Օ.Տ.Տ. Գարեգին Երկրորդը դեկտեմբերի 12-ին մեկնել են Փարիզ` մասնակցելու դեկտեմբերի 13-ին աշխարահռչակ երգիչ Շառլ Ազնավուրի "Սուրբ Ծնունդը` Հայաստանի երեխաներին" բարեգործական համերգին:

Համերգից ստացված ողջ հասույթը, որը կկրկնապատկվի Հայաստանի Սոցիալական ներդրումների հիմնադրամի կողմից, տրամադրվելու է երկրաշարժի գոտու դպրոցաշինությանը:

***
Նախագահ Ռոբերտ Քոչարյանի պետական այցը Ֆրանսիա

2001 թվականի փետրվարի 12-16-ը Հայաստանի Հանրապետության Նախագահ Ռոբերտ Քոչարյանը պետական այցով գտնվում էր Ֆրանսիայում: Այցի ընթացքում Հայաստանի Հանրապետության Նախագահը հանդիպումներ է ունեցել Ֆրանսիական Հանրապետության Նախագահ Ժակ Շիրակի, վարչապետ Լիոնել Ժոսպենի հետ, Սենատի նախագահ Քրիստիան Պոնսելեի եւ Ազգային Ժողովի նախագահ Ռեյմոն Ֆորնիի հետ:

Նախագահ Ռոբերտ Քոչարյանի պատվին Պետական ճաշ է տրվել Ելիսեյան Պալատում` Ֆրանսիական պետության ղեկավար Ժակ Շիրակի կողմից: 

Փարիզի քաղաքապետարանում կազմակերպվել է հանդիսավոր ընդունելություն` Հայաստանի Նախագահի պետական այցի առթիվ:
Ժակ Շիրակը Ռոբերտ Քոչարյանին պարգեւատրել է Պատվո Լեգեոնի Մեծ Խաչի շքանշանով: Հայաստանի նախագահն իր հերթին Ֆրանսիայի նախագահին հաձնել է Սուրբ Մեսրոպ Մաշտոցի շքանշան:

Ռոբերտ Քոչարյանը հանդիպումներ է ունեցել Ֆրանսիայի Սենատի եւ Ազգային Ժողովի Ֆրանսիա-Հայաստան բարեկամական խմբերի, ֆրանսիական գործարար շրջանակի հետ: 

Հայաստանի Նախագահը փետրվարի 13-ին Փարիզի Աստվածամոր տաճարում ներկա է եղել Հայաստանի պետական երգչախմբի հանդիսավոր համերգին` նվիրված Հայաստանում Քրիստոնեությունը որպես պետական կրոն հռչակման 1700-ամյակին:

Նախագահ Ռոբերտ Քոչարյանը հանդիպել է նաեւ ֆրանսահայ համայնքի ներկայացուցիչների հետ:

Փետրվարի 15-ին, պետական այցի շրջանակներում, Հայաստանի Հանրապետության Նախագահը այցելել է Լիոն, որտեղ հանդիպումներ է ունեցել Լիոնի քաղաքապետ Ռեյմոն Բարի, ինչպես նաեւ Լիոնի հայ համայնքի հետ:

***

Նախագահ Ռոբերտ Քոչարյանի այցը Ֆրանսիա

2001թ. մարտի 4-ին նախագահ Ռոբերտ Քոչարյանը մեկնել է Փարիզ, ուր նույն օրը տեղի է ունեցել Հայաստանի եւ Ադրբեջանի նախագահների հերթական հանդիպումը: Մարտի 5-ին Ռոբերտ Քոչարյանը հանդիպում է ունեցել Ֆրանսիայի նախագահ Ժակ Շիրակի հետ, որին այնուհետեւ հետեւել է եռակողմ հանդիպումը` Ֆրանսիայի, Հայաստանի եւ Ադրբեջանի նախագահների մասնակցությամբ:

***
 
Նախագահ Ռոբերտ Քոչարյանի այցը ԱՄՆ եւ Ֆրանսիա

Նախագահ Ռոբերտ Քոչարյանն ԱՄՆ-ից վերադարձին Փարիզում ապրիլի 10-ին հանդիպում է ունեցել Ֆրանսիայի նախագահ Ժակ Շիրակի հետ:

Հայաստանի նախագահը Ֆրանսիայի նախագահին տեղեկացրել է ղարաբաղյան խնդրի կարգավորման նպատակով ապրիլի 3-6-ը ԱՄՆ Ֆլորիդա նահանգի Քի Ուեսթ քաղաքում տեղի ունեցած բանակցությունների արդյունքի մասին:

Աշխատանքային այց Ֆրանսիա

Նախագահ Ռոբերտ Քոչարյանը 2003 թվականի  հուլիսի15-ից 18-ը աշխատանքային այցով եղել է Ֆրանսիայում:

Այցի ընթացքում Հայաստանի Նախագահը հանդիպումներ է ունեցել Ֆրանսիայի նախագահ Ժակ Շիրակի, վարչապետ Ժան Պիեռ Ռաֆառենի, Սենատի նախագահ Քրիստիան Պոնսելեի, Ազգային ժողովի նախագահ Ժան Լուի Դեբրեի, Սենատի եւ Ազգային Ժողովի "Ֆրանսիա - Հայաստան" բարեկամության խմբերի անդամների հետ: Ռ. Քոչարյանը Սենատի նախագահ Ք. Պոնսելեին պարգեւատրել է "Մեսրոպ Մաշտոց" շքանշանով` Ֆրանսիայի եւ Հայաստանի միջեւ բարեկամության ամրապնդման, ինչպես նաեւ տարածաշրջանային համագործակցության խորացմանն ուղղված ջանքերի համար:

Ռոբերտ Քեչարյանը հանդիպել է նաեւ էկոնոմիկայի, ֆինանսների ու արդյունաբերության, տրանսպորտի, զբոսաշրջության եւ ծովային հարցերի, տեղական ազատությունների հատուկ լիազորություններով նախարարների հետ: 

Հայաստանի նախագահը ծաղկեպսակ է դրել Կոմիտասի հուշարձանին, որը տեղակայված է Փարիզի կենտրոնում եւ խորհրդանշում է Ցեղասպանության զոհերի հիշատակը: Ռոբերտ Քոչարյանի հանդիպումներ է ունեցել նաեւ սփյուռքահայ մեծանուն արվեստագետներ Շառլ Ազնավուրի եւ Ժանսեմի հետ: Ժանսեմը Հայաստանին է նվիրել 400 վիմագրեր:

***
 
Նախագահ Ռոբերտ Քոչարյանի աշխատանքային այցը Ֆրանսիա

2004 թվականի ապրիլի 25-ից 27-ը Հայաստանի Հանրապետության Նախագահ Ռոբերտ Քոչարյանը աշխատանքային այցով գտնվում էր Ֆրանսիայում: Ապրիլի 26-ին,  երեկոյան Ելիսեյան պալատում տեղի է ունեցել Հայաստանի եւ Ֆրանսիայի նախագահներ Ռոբերտ Քոչարյանի եւ Ժակ Շիրակի ավելի քան մեկ ժամ տեւած առանձնազրույցը:

Երկու երկրների ղեկավարները քննարկել են հայ-ֆրանսիական հարաբերությունները, գնահատել դրանց ներկա իրավիճակը: 
Հարցերի երկրորդ խումբը, որին անդրադարձել են Ռոբերտ Քոչարյանն ու Ժակ Շիրակը, վերաբերել Է Լեռնային Ղարաբաղի հիմնախնդրի կարգավորմանը: Հայաստանի նախագահը ներկայացրել Է ներկա իրավիճակը, հայկական կողմի մոտեցումները:

Ֆրանսիայի մայրաքաղաքում Ռոբերտ Քոչարյանը եւ տիկին Բելլա Քոչարյանը ներկա են գտնվել նաեւ աշխարհահռչակ երգիչ Շարլ Ազնավուրի բարեգործական համերգին, որի ողջ հասույթը տրամադրվելու է "Ազնավուրը` Հայաստանին" հիմնադրամին:

***

Նախագահ Ռոբերտ Քոչարյանի աշխատանքային այցը Ֆրանսիա

ՀՀ Նախագահ Ռոբերտ Քոչարյանն 2005 թվականի ապրիլի 20-ից 23-ը աշխատանքային այցով գտնվել է Փարիզում:
 
Նախագահը  ապրիլի 21-ին հանդիպել է Ֆրանսիայի Ազգային Ժողովի նախագահ Ժան Լուի Դեբրեին եւ Սենատի նախագահ Քրիստիան Պոնսլեին: Քննարկվել է երկկողմ հարաբերություններին առնչվող հարցերի լայն շրջանակ, անդադարձ է կատարվել ԼՂ խնդրի կարգավորմանը, նաեւ` 2006 թվականին Ֆրանսիայում Հայաստանի տարվա անցկացման միջոցառումներին: 

Ապրիլի 22-ին Ելիսեյան պալատում կայացել է նախագահներ Ռոբերտ Քոչարյանի եւ Ժակ Շիրակի առանձնազրույցը, որից հետո նրանք այցելել են Փարիզի կենտրոնում տեղադրված Կոմիտասի արձանին եւ ծաղկեպսակ դրել Ցեղասպանության զոհերի հիշատակը հավերժացնող կոթողին: Դրանով Փարիզում սկիզբ է դրվել հայոց ցեղասպանության զոհերի հիշատակին նվիրված միջոցառումների շարքին: 

Նախագահ Ռոբերտ Քոչարյանը հանդիպում է ունեցել նաեւ ԵԱՀԿ Մինսկի խմբի ֆրանսիացի համանախագահ Բեռնար Ֆասիեի հետ: Քննարկվել են ղարաբաղյան հիմնախնդրի կարգավորման գործընթացի ներկա փուլին առնչվող հարցեր: Տնտեսական ուղղվածություն են ունեցել Ռոբերտ Քոչարյանի` Ֆրանսիայի արդյունաբերության նախարարի, "Կրեդի ագրիկոլ" բանկի եւ "Ալկատել" ընկերության նախագահների հետ ունեցած հանդիպումները: Քննարկվել են հայ-ֆրանսիական տնտեսական համագործակցության ծրագրերին եւ, մասնավորապես, վերոհիշյալ ընկերությունների հայաստանյան գործունեության աշխուժացմանը վերաբերող հարցեր: Անդրադարձ է կատարվել զբոսաշրջության ոլորտում գործակցության հեռանկարներին, ինչի վերաբերյալ ֆրանսիացի փորձագետները պատրաստ են կոնկրետ առաջարկներ ներկայացնել: 

Նախագահ Ռոբերտ Քոչարյանը Փարիզում հանդիպել է նաեւ մեծանուն երգիչ Շառլ Ազնավուրին: Ապրիլի 23-ին նախագահի գլխավորած պատվիրակությունը վերադարձել է Երեւան:

***

Նախագահ Ռոբերտ Քոչարյանի այցը Ֆրանսիա

2006 թվականի փետրվարի 10-ին նախագահ Ռոբերտ Քոչարյանը Փարիզում հանդիպում է ունեցել Ֆրանսիայի նախագահ Ժակ Շիրակի հետ, որի ընթացքում քննարկվել են ղարաբաղյան հակամարտության կարգավորման հետ կապված հարցեր: Այնուհետեւ Փարիզի Ռամբույե արվարձանում սկսվել են Հայաստանի եւ Ադրբեջանի նախագահների բանակցությունները, որոնք ընդհանուր առմամբ տեւել են չորսը ժամ: 

Սկզբում Ռոբերտ Քոչարյանը եւ Իլհամ Ալիեւը բանակցել են ԵԱՀԿ Մինսկի խմբի համանախագահների եւ երկու երկրների արտգործնախարարների մասնակցությամբ, այնուհետեւ շարունակել են դեմ առ դեմ: Հանդիպման ավարտին Հայաստանի եւ Ադրբեջանի նախագահներին նորից միացել են երկու երկրների արտգործնախարարները:

Ֆրանսիայի նախագահ Ժակ Շիրակի պետական այցը Հայաստան

Հայաստանի Հանրապետության նախագահ Ռոբերտ Քոչարյանի հրավերով 2006 թվականի սեպտեմբերի 29-ից հոկտեմբերի 1-ը պետական այցով Հայաստան էր ժամանել Ֆրանսիայի Հանրապետության նախագահ Ժակ Շիրակը` տիկնոջ հետ:

Ֆրանսիայի նախագահի գլխավորած պաշտոնական պատվիրակության կազմում Հայաստան էինն ժամանել արտաքին գործերի նախարար Ֆիլիպ Դուստ-Բլազիին, տրանսպորտի, զբոսաշրջության եւ ծովագնացության նախարար Դոմինիկ Պերբենը, պետական ծառայության նախարար Քրիստիան Ժակոբը, մշակույթի եւ հաղորդակցության նախարար Ռենո Դոնեդիո դե Վաբրը: Ժակ Շիրակին ուղեկցում էին նաեւ գործարարներ, գիտության, կրթության, մշակույթի եւ մարզական ոլորտի ներկայացուցիչներ, ֆրանսահայ համայնքի անդամներ, լրագրողներ:

"Զվարթնոց" օդանավակայանում Ֆրանսիայի նախագահի դիմավորման պաշտոնական արարողությունից հետո Հայաստանի նախագահի եւ տիկին Բելլա Քոչարյանի անունից Ֆրանսիայի Հանրապետության նախագահի եւ տիկին Բերնադետ Շիրակի պատվին տրվել է պետական ճաշկերույթ: 

Սեպտեմբերի 30-ի առավոտյան Ֆրանսիայի նախագահ Ժակ Շիրակը տիկնոջ հետ այցելել է Մեծ եղեռնի հուշահամալիր: Տեր եւ տիկին Շիրակները ծաղկեպսակ են դրել 1915 թ. ցեղասպանության զոհերի հուշակոթողին, եղել Հայոց ցեղասպանության թանգարանում, ծառատունկ կատարել հուշահամալիրի պուրակում:

Այնուհետեւ նախագահներ Ռոբերտ Քոչարյանն ու Ժակ Շիրակը մասնակցել են Երեւանում Ֆրանսիայի անվան հրապարակի բացման արարողությանը, հանդես եկել ելույթներով: Հանդիսության ավարտին նախագահները քայլել են հրապարակով, շփվել մարդկանց հետ:

Օրվա երկրորդ կեսին տեղի է ունեցել Ռոբերտ Քոչարյանի եւ Ժակ Շիրակի առանձնազրույցը, որին հաջորդել է համատեղ մամուլի ասուլիսը: 

Ժակ Շիրակն այցելել է Հայաստանում Ֆրանսիայի դեսպանություն: Իսկ երեկոյան նախագահները ներկա են գտնվել Հանրապետության հրապարակում կայացած "Շառլ Ազնավուրը եւ նրա ընկերները" բացօթյա համերգին: 

Այս միջոցառումներով էլ մեկնարկել է Ֆրանսիայում Հայաստանի ազգային տարին, որը կրում է "Հայաստան, իմ բարեկամ" խորագիրը:

Հոկտեմբերի 1-ին Ժակ Շիրակին հյուրընկալել է Ն.Ս.Օ.Տ.Տ Գարեգին Երկրորդ Ամենայն Հայոց կաթողիկոսը: Նույն օրը Ֆրանսիայի նախագահի գլխավորած պատվիրակությունը մեկնել է Երեւանից:

Նախագահ Ռոբերտ Քոչարյանի պաշտոնական այցը Ֆրանսիա

2007 թվականի  փետրվարի 17-ից 21-ը  ՀՀ Նախագահ Ռոբերտ Քոչարյանը պաշտոնական այցով գտնվում էր Ֆրանսիայում: Այցի շրջանակում փետրվարի 19-ին կայացել է նախագահներ Ռոբերտ Քոչարյանի եւ Ժակ Շիրակի հանդիպումը: 

Հանդիպման ընթացքում նախագահները հաստատել են, որ Հայաստանի եւ Ֆրանսիայի միջեւ առկա հարաբերություններն առավել սերտանում են: Նրանք հույս են հայտնել, որ հարաբերությունների զարգացումը շարունակական կլինի եւ մասնավորապես ընդգծել են էներգետիկ ոլորտում համագործակցությունը: 

Ռ. Քոչարյանը եւ Ժ. Շիրակը անդրադարձել են նաեւ Լեռնային Ղարաբաղի հակամարտության կարգավորման գործընթացին: Ժ. Շիրակը Ռ. Քոչարյանին տեղեկացրել է Ադրբեջանի նախագահ Ի. Ալիեւի հետ ունեցած հանդիպման մասին: Ֆրանսիայի նախագահը կարեւորել է հիմնախնդրի խաղաղ ճանապարհով կարգավորումը եւ հաստատել է Ֆրանսիայի դիրքորոշումը` Մինսկի խմբի շրջանակներում աշխատանքները շարունակելու ուղղությամբ:

Ֆրանսիայի նախագահը շնորհակալություն է հայտնել Ռ. Քոչարյանին, Հայաստանի իշխանություններին Լուվրում բացված "Սուրբ Հայաստան" ցուցահանդեսի համար, ասելով որ "այս հիանալի ցուցահանդեսը հնարավորություն կընձեռի ֆրանսիացիներին, ինչպես նաեւ օտարերկրյա այցելուներին առավել լավ ճանաչել հայկական մշակույթը": 

Ցուցահանդեսի բացումը կատարել են երկու նախագահները:

ՀՀ նախագահը Փարիզում հանդիպել է նաեւ Ֆրանսիայի ներքին գործերի նախարար, իշխող կուսակցությունից Ֆրանսիայի նախագահի թեկնածու Նիկոլա Սարկոզիի հետ, քննարկել միջազգային հարաբերություններին վերաբերող հարցեր եւ հարավկովկասյան տարածաշրջանի իրավիճակը:

Այցի առաջին օրը Փարիզի "Գարնի" օպերայում ՀՀ նախագահը եւ Հայաստանի եւ Ֆրանսիայի առաջին տիկնայք Բելլա Քոչարյանն ու Բերնադետ Շիրակը ներկա են գտնվել "Ազնավուր եւ ընկերներ" համերգին:

Ռոբերտ Քոչարյանն այցելել է Փարիզի ծովային թանգարան, դիտել Հովհ.Այվազովսկու նկարների ցուցահանդեսը, եղել է նաեւ ՙՀայոց 12 մայրաքաղաքները՚ ցուցահանդեսում:

Ֆրանսիա պաշտոնական այցի շրջանակում նախագահ Ռոբերտ Քոչարյանը փետրվարի 20-ին հանդիպումներ է ունեցել Ֆրանսիայի վարչապետ Դոմինիկ դը Վիլպենի, Սենատի նախագահ Քրիստիան Պոնսլեի, Ազգային Ժողովի նախագահ Ժան-Լուի Դեբրեի հետ: Քննարկվել են երկկողմ եւ տարածաշրջանային խնդիրներին առնչվող հարցերի լայն շրջանակ:

Նույն օրը Ռոբերտ Քոչարյանը հանդիպել է նաեւ ֆրանսիահայ համայնքի ներկայացուցիչների հետ: Նախագահի գնահատմամբ, ֆրանսիահայ համայնքն ամենից հզորն ու ամենից կազմակերպվածն է Եվրոպայում: "Ֆրանսահայ համայնքն այն դեպքն է, երբ համայնքն ամբողջությամբ լիարժեք ինտեգրված է երկրի հասարակության մեջ: Սա այն դեպքն է, որն ամենից դիպուկ նկարագրել է Շարլ Ազնավուրը` հարյուր տոկոսով հայեր եւ հարյուր տոկոսով ֆրանսիացիներ", - ասել է Նախագահը: Հայաստանի տարին Ռոբերտ Քոչարյանը գնահատել է իբրեւ փայլուն հնարավորություն Հայաստանի եւ հայ ժողովրդի համար` ներկայացնելու իր արվեստը, մշակույթը, պատմությունը ֆրանսիացիներին, իսկ Ֆրանսիայի եւ Փարիզի միջոցով ողջ աշխարհին":

Փետրվարի 20-ի երեկոյան նախագահի գլխավորած պատվիրակությունը Փարիզից ժամանել է Նիս, որտեղ հանդիպում է ունեցել քաղաքի ղեկավարության եւ հայ համայնքի ներկայացուցիչների հետ:

"Ֆրանսիայում Հայաստանի տարին վեր է ածվել ֆրանսիացի եւ հայ ժողովուրդների տոնահանդեսի: Տարին անցնում է մեծ հաջողությամբ",- Նիսի պրեֆեկտուրալ պալատում տեղի ունեցած ընդունելության ժամանակ նշել է Հայաստանի նախագահը:

Փետրվարի 21-ին Նիսում նախագահ Ռոբերտ Քոչարյանի մասնակցությամբ բացվել է "Հայաստանի պուրակը"` իսկական հայկական մի անկյուն քաղաքի կենտրոնական մասում:

Ֆրանսիայում Հայաստանի դեսպան Էդվարդ Նալբանդյանը մաղթել է, որ պուրակի ծառերը միշտ առողջ ու կանաչ լինեն, քանի որ ինչքան դրանց արմատները խորանան ու ամրանան, այնքան ամուր կլինի հայ-ֆրանսիական բարեկամությունը: 

Նիսում հայերին ու Հայաստանը ներկայացնելու եւս մեկ հնարավորություն էր նաեւ ժամանակակից հայ նկարիչների ցուցահանդեսի բացումը քաղաքի արդի արվեստի թանգարանում` Ֆրանսիայում Հայաստանի տարվա շրջանակում: Ցուցահանդես այցելել է նաեւ նախագահ Ռոբերտ Քոչարյանը:

***
 
Նախագահ Ռոբերտ Քոչարյանի աշխատանքային այցը Ֆրանսիա

2007 թվականի հուլիսի 11-ից 14-ը Հայաստանի Հանրապետության Նախագահ Ռոբերտ Քոչարյանը աշխատանքային այցով գտնվում էր Ֆրանսիայում: Այցի շրջանակում  հուլիսի 12-ին  Հ.Հ. նախագահը հանդիպել է Ֆրանսիայի նախագահ Նիկոլա Սարկոզիի հետ:

Նախագահները քննարկել են երկկողմ հարաբերությունների լայն շրջանակ, խոսել են տնտեսական համագործակցության զարգացմանն առնչվող հարցերի մասին, անդրադարձել տարածաշրջանային խնդիրներին:

Անդրադարձ է կատարվել նաեւ Ֆրանսիայում Հայաստանի տարվան, որի եզրափակիչ միջոցառումը կկայանա հուլիսի 14-ին: 

Ռոբերտ Քոչարյանը հանդիպել է նաեւ Ֆրանսիայի Ազգային Ժողովի նախագահ Բեռնար Ակուայեի հետ: Կողմերը գոհունակություն են հայտնել հայ-ֆրանսիական բարեկամության պատգամավորական խմբի գործունեության ընթացքից:

Ֆրանսիա` Հայաստանի նախագահի աշխատանքային այցի երկրորդ օրը Ռոբերտ Քոչարյանի գլխավորած պատվիրակությունն այցելել է Փարիզի "Փոքր պալատ" թանգարանում բացված "Հայկական գեղանկարչությունը 1830-1930թթ" ցուցահանդես:

Այնուհետեւ ՀՀ նախագահը հանդիպել է Ֆրանսիայի Սենատի նախագահ Քրիստիան Պոնսլեի հետ: Զրուցակիցներն անդրադարձել են հայ-ֆրանսիական հարաբերություններին, միջխորհրդարանական համագործակցությանը: Կողմերը գոհունակություն են հայտնել Ֆրանսիայուն Հայաստանի տարվա ընթացքից` կարեւորելով այն ավանդական դարձնելը:

Հանդիպումից հետո Ռոբերտ Քոչարյանն ու Քրիստիան Պոնսլեն այցելել են Լյուքսեմբուրգյան Պալատի Օրանժերիա ցուցասրահում բացված ժամանակակից հայ գեղանկարչության ցուցահանդես:

Լուսանկարներ
Տեսանյութ
|
Նյութեր
ՆաԵՎ կարող է հետաքրքրել
 
 
 
 
 
 
 
 
 
 
 
 
 
28.04.2014
1

 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
07.08.2014  |  Քաղաքական
Ռ.Քոչարյանի գրասենյակի արձագանքը Լեւոն Հայրապետյանի կալանավորմանը

Ճիշտ չէր լինի, եթե ՀՀ պաշտոնաթող նախագահ Ռոբերտ Քոչարյանը, տեղյակ չլինելով գործի մանրամասներին, հանդես գար քաղաքական գնահատականներով Լեւոն Հայրապետյանի կալանավորման վերաբերյալ: Այս մասին NEWS.am-ի հետ զրույցում ասաց երկրորդ նախագահի գրասենյակի ղեկավար Վիկտոր Սողոմոնյանը՝ պատասխանելով հարցին, թե ինչպես է Ռոբերտ Քոչարյանը վերաբերվում հայ բարերարի կալանավորման փաստին:

«Մենք ափսոսանք ենք հայտնում ազգությամբ հայ գործարարի եւ հայտնի բարերարի կալանավորման կապակցությամբ: Շատ ցավալի է, որ այդ ամենը տեղի է ունեցել:

Ինչ վերաբերում է այս թեմայի համատեքստում մեզ առնչվող հարցերին, որ վերջին օրերին շրջանառվում են մամուլում, ապա պետք է նշեմ հետեւյալը. Ռոբերտ Քոչարյանը ընտրվել է «ԲՖԿ Սիստեմա»-ի անկախ տնօրեն 2009 թվականի հունիսին, այսինքն այն ժամանակ, երբ Սիստեման արդեն մեկ տարի էր, ինչ Բաշնեֆտի սեփականատեր էր դարձել: Սա առաջինը: Եվ երկրորդը. չեմ կարծում, թե ճիշտ կլիներ, եթե ՀՀ պաշտոնաթող նախագահը, տեղյակ չլինելով գործի մանրամասներին, հանդես գար քաղաքական գնահատականներով Լեւոն Հայրապետյանի կալանավորման վերաբերյալ: Հուսով ենք, որ Լեւոն Հայրապետյանը կապացուցի իր անմեղությունը եւ երկար ժամանակ չի անցկացնի անազատության մեջ»,- ասաց նա:

 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
12.04.2016  |  Քաղաքական
Վիկտոր Սողոմոնյանը թարմացնում է Լեվոն Տեր-Պետրոսյանի հիշողությունը

Ապրիլի 11-ին ilur.am կայքին տված հարցազրույցում առաջին նախագահ Լևոն Տեր-Պետրոսյանը կրկին մեղադրանքներ հնչեցրեց Ռոբերտ Քոչարյանի հասցեին՝ Ստեփանակերտը բանակցային գործընթացից դուրս մղելու, պատմաբանների համատեղ հայ-թուրքական հանձնաժողովի ստեղծմանը նպաստելու մեջ:

 
 
 
 
 
 
 
 
 
 
 
 
 
23.06.2014
Ռոբերտ Քոչարյանի հարցազրույցը` Որոտան ՀԷԿՀ վաճառքի, 100% համամասնական ընտրակարգի ԵՎ այլ հարցերի մասին:

Մոտ երկու շաբաթ առաջ ընդդիմադիր քառյակը հրապարակեց իշխանություններին ուղղված 12 պահանջները: Հավանաբար ծանոթ եք դրանց բովանդակությանը: Այդ խնդիրներից մի քանիսի մասին դուք այս կամ այն կերպ արդեն արտահայտվել եք, օրինակ՝ կենսաթոշակային բարեփոխումների, Հայասատանի և Ղարաբաղի միջև մաքսակետի հնարավոր ստեղծման վերաբերյալ: Հետաքրքիր է իմանալ Ձեր կարծիքը ընդդիմության մի քանի այլ՝ այսօր ամենաշատը քննարկվող պահանջների մասին, մասնավորապես՝ Որոտանի կասակադ ՀԷԿՀ-ի սեփականաշնորհման, ՃԵԿ տուգանքների չափերի վերանայման և ավտոկայանատեղերի համակարգի կանոնակարգման /այսպես կոչված «կարմիր գծերի»/, 100 տոկոսանոց  համամասնական ընտրակարգին անցման և ընդդիմությանը վերահսկման առավել ուժեղ և գործուն մեխանիզմների տրամադրման վերաբերյալ:

 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
04.03.2015

 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
04.03.2015

 
 
 
www.2rd.am և www.2nd.am կայքերի այցելուների կողմից մեզ ուղարկվող բոլոր նյութերը անկախ ձևից, քանակից և ծավալից ամբողջապես կամ հատվածաբար տեղադրվում են էջում միայն կայքի քաղաքականությանը համապատասխանելու դեպքում: