29.09.2006. ՀՀ Նախագահ Ռոբերտ Քոչարյանի եւ Ֆրանսիայի նախագահ Ժակ
21.09.2003. ՀՀ Նախագահ Ռոբերտ Քոչարյանի ելույթը ՀՀ Աանկախության 12րդ
28 Սեպ 2012  
28.09.2012  |  15:15   |   Ելույթներ և ուղերձներ

21.09.2006. ՀՀ Նախագահ Ռոբերտ Քոչարյանի ելույթը անկախության տոնի առթիվ

Վեհափառ Տեր,
Զինվորներ, սպաներ, գեներալներ,
Հարգելի հայրենակիցներ եւ հյուրեր,

Շնորհավորում եմ Հայաստանի Հանրապետության հռչակման 15-րդ տարեդարձի կապակցությամբ:

Հազարամյակների արմատներ ունեցող ժողովրդի համար պետականության այս 15 տարվա պատմությունը մեկ ակնթարթ է: Բայց այն իր մեջ ներառեց պատերազմ, էներգետիկ ճգնաժամ, շրջափակում, անցումային շրջանի բոլոր բարդությունները: Պետական շինարարության համար Հայաստանի մեկնարկային պայմանները չափազանց բարդ էին: Բայց բարձր էր մեր ժողովրդի ոգին, եւ մեծ էր ցանկությունը հաղթահարել բոլոր դժվարությունները` հանուն ազատության եւ արժանապատվության: Այդ ոգին պատերազմի կրակի մեջ ծնեց հերոսներ եւ ձեւավորեց բանակ, որն այսօր մեր հպարտությունն է: Հայաստանի Զինված Ուժերը հուսալի պաշտպանն են համայն հայության Հայրենիքի: Հայաստանի Հանրապետությունը մեծագույն նվաճումն է, որ վաստակվել է սերունդների նպատակաուղղված ջանքերի շնորհիվ:

Այսօր Հայաստանը կայուն զարգացող երկիր է: Հաջողությամբ իրականացվում են բարեփոխումները բոլոր բնագավառներում: Տնտեսական աճի բարձր տեմպերը Հայաստանը դարձնում են նորª ավելի լայն հնարավորությունների երկիր: Դա ունի կենսական նշանակություն, քանի որ մրցունակ եւ արդյունավետ տնտեսությունը հիրավի կարեւորագույն գրավականն է ժողովրդավարական պետություն կառուցելու համար:

Իրականացվում են ռազմավարական ծրագրեր, որոնք ուղղված են մեր երկրի եւ ժողովրդի համակողմանի առաջընթացին եւ հատկապես սոցիալական խնդիրների լուծմանը: Պետությունն իր գերակա խնդիրների շարքում է դասել աղքատության հաղթահարումը, կյանքի նոր որակի ապահովումը, երկրի ողջ տարածքի համաչափ զարգացումը:

Հայրենի պետության կայացման գործում Սփյուռքն ունեցել է անգնահատելի ներդրում: Իր բոլոր կարողություններով այն առաջին իսկ օրվանից կանգնեց նորանկախ մեր պետության կողքին: Խորհրդանշական է, որ այս հոբելյանական օրերին է անցնում Հայաստան-Սփյուռք երրորդ համաժողովը: Կարեւոր է նաեւ, որ անկախության տարիներին Հայաստանը եւս վերարժեւորեց Սփյուռքի գործոնը եւ այս կապը դարձավ փոխադարձ եւ փոխլրացնող:

Արտաքին քաղաքականության բնագավառում Հայաստանն իրեն դրսեւորել է որպես կայուն, վստահելի եւ կանխատեսելի գործընկեր: Մենք հաջողությամբ խորացնում ենք երկրի միջազգային ներգրավվածությունը` պահպանելով եւ ամրապնդելով ավանդական կապերը:

Լեռնային Ղարաբաղի հարցի արդարացի կարգավորումը մնում է գերակա խնդիր: Այն կարող է հիմնված լինել միմիայն Արցախի ժողովրդի ինքնորոշման իրավունքի ճանաչման եւ հարգման վրա: Ոչինչ չպետք է սպառնա Լեռնային Ղարաբաղի Հանրապետության անվտանգությանը եւ կայուն զարգացմանը: 

Հարգելի հայրենակիցներ,

Այսպիսի թանկ հոբելյանը ոգեւորիչ է եւ պարտավորեցնող. անել առավելագույնը հանուն Հայաստանի հզորացման: Ջանք չխնայել կառուցելու այն նոր երկիրը, որի քաղաքացին լինելը հպարտություն կներշնչի մեր ժողովրդի բազմաթիվ սերունդների: 

Եւս մեկ անգամ շնորհավորում եմ Անկախության 15-րդ տարեդարձի կապակցությամբ:

Փառք Հայաստանի Հանրապետությանը: Փառք Հայաստանի Զինված Ուժերին: Ուռա:

Լուսանկարներ
Տեսանյութ
|
ՆաԵՎ կարող է հետաքրքրել
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
22.04.2014
ՀԱՐՑԱԶՐՈՒՅՑԻ ՇԱՐՈՒՆԱԿՈՒԹՅՈՒՆ

Հարգելի այցելուներ,
Ձեր ուշադրությանն ենք ներկայացնում ՀՀ երկրորդ նախագահ Ռոբերտ Քոչարյանի՝ մեր կայքին տված հարցազրույցի շարունակությունը: Մենք խնդրել էինք նախագահ Քոչարյանին անդրադառնալ վերջին շրջանում ամենաքննարկվող թեմաներից մեկին՝ Սահմանադրության բարեփոխումներին, ինչպես նաև մի քանի այլ արդիական հարցերի: Տեղեկացնենք նաև, որ մենք հարցերի մի նոր խմբաքանակ ենք ներկայացրել երկրորդ նախագահի գրասենյակ: Հարցերն առնչվում են մի շարք օրակարգային խնդիրների. այսպես կոչված կարմիր գծերին, երթևեկության խախտումներն արձանագրող տեսախցիկներին ու տուգանքների անհամաչափությանը, Որոտանի ՀԷԿ-ի կասկածելի վաճառքին և այլն: Հուսով ենք, որ մոտ ապագայում հնարավորություն կունենանք տեղեկանալ Ռոբերտ Քոչարյանի տեսակետներին նաև այս հարցերի վերաբերյալ և մի նոր հարցազրույց կներկայացնենք մեր ընթերցողներին:  

 
 
 
 
 
25.07.2018
Սա Մարտի 1-ը բացահայտե՞լու փորձ է, թե՞ հաշիվ մաքրելու. Սողոմոնյան

ՀՀ երկրորդ նախագահ Ռոբերտ Քոչարյանն այսօր կվերադառնա Հայաստան։ Նա սովորաբար ամեն տարի հուլիսի սկզբին մեկնում է Հայաստանից եւ վերադառնում ամսվա վերջին։ Վերադառնալու հաջորդ օրը՝ հուլիսի 26-ին, Հատուկ քննչական ծառայությունը Քոչարյանին հրավիրել է հարցաքննության Մարտի 1-ի գործով։ ՀՔԾ-ն մինչ այդ ծանուցագիր էր ուղարկել Քոչարյանին՝ նրան հրավիրելով հարցաքննության, բայց քանի որ ՀՀ երկրորդ նախագահը գտնվում էր արտերկրում, ՀՔԾ-ն համաձայնեց սպասել, մինչեւ նա վերադառնա։ Բայց մի փոքր, «խիստ տեխնիկական» հարց կա, որը մինչեւ հիմա նրա գրասենյակը չի կարգավորել՝ որտե՞ղ է տեղի ունենալու Քոչարյանի հարցաքննությունը՝ Հատուկ քննչական ծառայությունո՞ւմ, թե՞ իր նախընտրած վայրում։ Սա նրա գրասենյակի ղեկավար Վիկտոր Սողոմոնյանը երեկ մեզ հետ զրույցում համարեց տեխնիկական հարց, որով զբաղվում են համապատասխան պատասխանատու անձինք։ Բայց, դատելով նրա հայտարարություններից, այս տեխնիկական հարցն իր մեջ որոշակի ամբիցիաներ է պարունակում՝ պայմանավորված Քոչարյանի ստատուսով։ Կարճ ասած՝ Քոչարյանն ուզում է, որ ՀՔԾ-ն գա իր մոտ, ոչ թե ինքը գնա ՀՔԾ, թեպետ ՀՔԾ պետն արդեն հասկացրել է, թե որ դեպքերում են հարցաքննությունը կազմակերպում անձի նախընտրած վայրում, եւ այդ դեպքերի մեջ Քոչարյանի պարագան կարծես թե չի մտնում։

 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
www.2rd.am և www.2nd.am կայքերի այցելուների կողմից մեզ ուղարկվող բոլոր նյութերը անկախ ձևից, քանակից և ծավալից ամբողջապես կամ հատվածաբար տեղադրվում են էջում միայն կայքի քաղաքականությանը համապատասխանելու դեպքում: