Ժողովուրդը Քոչարյանին միշտ սիրել է
11.12.2003. Տեղեկատվական Տեխնոլոգիաները թույլ կտան ստեղծել ազգերի է
24 Հուն 2012  
24.01.2012  |  11:40   |   Համացանց

Ստեր, ստեր, ստեր…

Նախընտրական շրջանում այնքան են շատացել երկրորդ նախագահ Ռոբերտ Քոչարյանի մասին պատվիրված ստահոդ լուրերը, որ www.2rd.am կայքը ստիպված որոշել է ամեն շաբաթ անդրադառնալ դրանց: Ըստ երևույթին` նման լուրերն անսպառ են լինելու հատկապես առաջիկա մի քանի ամիսներին` մինչև պատվիրատուները կհամոզվեն` Քոչարյան-Սարգսյան զույգի միջև ոչ մի արտառոց լարվածություն էլ չկա: Բայց դատելով մամուլի հրապարակումներից` մնում ենք այն կարծիքին, որ, այնուամենայնիվ, "Երկու վախը մի մահ է" ասացվածքը հիմա էլ շատ արդիական է:
 
Ներկայացնում ենք այդ լուրերից մի քանիսը, իսկ ամբողջը կարող եք կարդալ www.2rd.am կայքում:
 
Անցած շաբաթ թերթերից մեկում տեղեկություն հայտնվեց, թե Ռոբերտ Քոչարյանը հանդիպել է Սամվել Բաբայանի հետ և խոստացել է փակել նրա պարտքերը, եթե վերջինս դառնա Սերժ Սարգսյանին ընդդիմություն: Ընդ որում` Ռոբերտ Քոչարյանը փող կտա Սամվել Բաբայանին ոչ այն բանի համար, որ նա "հենց ընենց" ընդդիմություն դառնա գործող նախագահին, այլ` թունդ ընդդիմություն: Ինչպես հետագայում (բնականաբար) պարզվեց` սովորական սուտ էր:
 
Մեկ այլ լրատվամիջոց սոնոգրաֆին բնորոշ վստահությամբ հայտնեց, թե շուտով Ռոբերտ Քոչարյանը սենսացիոն հայտարարություն է անելու իր` խորհրդարանական ընտրություններին մասնակցելու վերաբերյալ: Միանգամից վերլուծությունների ու ասեկոսեների տարափ սկսվեց այն մասին, թե ինչ է իրականում ասելու երկրորդ նախագահը, և այդ երևակայված հայտարարությունը մեկնաբանելիս շատերը կրկին մոռացան, որ աշխարհի վերջը միայն ըստ մայա ցեղի օրացույցի ավարտի է և ոչ` առհասարակ, ու վաղը պետք է պարկեշտություն ունենան սեփական ընթերցողին բացատրելու, թե ինչու իրենք անընդհատ գրում-կանխատեսում են, իսկ վերջում որևէ բան չի իրականանում: Ակամայից հիշեցինք "Մեկ անգամ Ամերիկայում" ֆիլմում հնչած մի աֆորիզմ. "Իզուր մի տանջվիր, միևնույն է, վերջում ոչինչ չի լինելու":
 
Ըստ ամենայնի, խորապես հիասթափված լինելով հասարակական կարծիքի այդ "զարհուրելի" պահվածքից, ինչ-որ մեկն այդ պարոններից որոշեց այս անգամ հույս կապել ավելի վստահելի ու հզոր ինստիտուտի հետ: Մամուլում տեղեկություն հայտնվեց, թե ԱՄՆ Պետդեպում տհաճ մի զրույց է տեղի ունեցել այս գերատեսչության պաշտոնյաների և ԱՄՆ ՀՅԴ Հայ Դատի հանձնախմբի ներկայացուցիչների հետ: Ամերիկացի չինովնիկները սպառնացել են հայդատականներին, որ եթե իրենք սատարեն Ռոբերտ Քոչարյանին և կողմ լինեն հրապարակային քաղաքականություն նրա վերադարձին, ապա իրենք այլևս աչք չեն փակի իրենց հայտնի "շատ փաստերի" վրա: Ավելին, մեր տեղեկություններով, նրանք հայտնել են, թե նախագահ Օբաման երդվել է ջուր չխմել և չսափրվել այնքան ժամանակ, քանի դեռ դրական պատասխան չստանա Հայ դատի գրասենյակից: Հետո, բարեբախտաբար, այս լուրը հերքվեց և հիմա կարող ենք հանգիստ լինել թե մեր ամերիկյան ազգակիցների, թե բարեկամ այդ ժողովրդի առաջնորդի համար:

www.yerkir.am

Լուսանկարներ
|
ՆաԵՎ կարող է հետաքրքրել
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
www.2rd.am և www.2nd.am կայքերի այցելուների կողմից մեզ ուղարկվող բոլոր նյութերը անկախ ձևից, քանակից և ծավալից ամբողջապես կամ հատվածաբար տեղադրվում են էջում միայն կայքի քաղաքականությանը համապատասխանելու դեպքում: